الطرقـــــــــــــــــــــــــــــاات . .

[شيخ نفسه]

السلام عليكم ورحمة الله وبركآته .،

يسعد أوقآتكم،

كلماتٌ تحمل من الفلسفه الشئ الكثير
وتحمل من الإبداع مالايتوفر عند شاعر آخر غير "فيلسوف الشعر"..

في الكبد ليعاتها وفي النفس حاجات ، حاجات ماهيب رغبات وشهـوات

ندم على حزن على مدري شسمه ، اللـي يكلمـك وتكلمـه بسـكـات

ياودي اصرخ من اللي داخلي حيله ، وياودي ماتنبس من الليعـه شفـات

مزحوم تفكير ومشـوش وبـردان ، وياخوفي من الغضب والانفعـالات

تعـارك الشـر مع الخيـر فيـنـي ، يأثـر علـى اتخـاذي للـقـرارت

ثاقب وألاحظ تفاصيـل التفاصيـل ، كن البشر عري وعيونـي مرايـات

أفضال ربي علي واجـد وأفضـل ، أفضال ربي الفقر وأنكارة الذات

يامجمل الفقـر وأشيـاءه وروحـه ، تموت منه تعب وتعيشـه ازمـات

يعلمـك ضعفـك وبـأن عقـلـك ، هو اللي يميـزك عـن الحشـرات

وتعرف بأن هذا لـك وذا لغيـرك ، ولاتفكّر ولاتكسّر حسابات

الفقر مفيد ..وأشياءه مفيده ، مليء قناعه وقوه وغايات

يمكن لو إنك غني تطغا وتنسى ، وأتطيش وتطوّف الخمس الصلوات

لذلك الحمد لله والثنى له ، على الفقر والمصايب والمسرات

يمكن أني فقير بس مانيب تبعّي ، أجلس ولا أنقاد خلف الإتجاهات

وإن ما أعجبتني قناعات الزمن هذا ، أنا.. أألف لتفكيري قناعات

شاعر ويسكن فـ مخي ألف شاعر ، ماهم بشعّار هالوقت التروفات

اللي يقولون مافي الشعر نادر ، وإن الشعراء نفس المستويات

لو أنهم واحد بتفكير واحد ، ماشفت ناقد ولا معجب وشمات

الله على هالكلام ومن يقوله ، والله يقطع سياسة هالمجلات

يعني اللي شعره ملى الدنيا جماهير ، مثل اللي يطلق قصيده سردة أبيات

لامن سمعت القصيده قلت هذي؟ ، سمعتها قبل هذي عشر مرات!!

يشل.. آخر كلام الشطر الأول ، ويحطه بآخر الثاني .. وخذ هات

قاف متكرر.. ولافكره ولاشي ، يبني القصيده.. على تفكير بنات

وبه نوع ساذج علشان أيتميّـز ، يصرخ ويعمل بيدّينه حركات

والمرء عدو مايجهل.. لذلك ، هالشعراء يكرهوني -أنا- بالذات

الله يخليني لشعري وأصونه ، وأحرق به كبود شعّار المسجات

أجذبّ به.. أذواق حكّام الجزيرة ، وأزرعه.. فعقول فتيان وفتيات

اركبّه جن.. وامارسه بجنون ، وأشبعه فلسفات وأبتكارات

وآعلم الجيل هذا وإللي بعده ، جودة الإطاله.. وفن الإختصارات

وشلون أحرث صخر فكري وأخلّي ، بيني وبين أقرب منافس مسافات

الشعر في نظرة اغلبهم مصالح ، فلوس وشيوخ وبنات ولقاءات

وفي نظرتي الشعر روحٍ و روح حرّه ، ماتخضع لشف.. وأشخاص.. وقياسات

الشعرٌ ماتقشعرُ له الأبدانٌ ، ومَا يسَرقُ من الكلمات.. الكلمَات

تقراه فـ عيون شاعره وتحسه ، يفتح له فَجلد يدّينك مسامات

ردد قصيدي ياجمهوري وصفق ، وعلمّهم إن الغلا ماهو خيارات

تعال نسرح سوّى في شي عندي ، وأخاف لا أبكي؟ وتبكيني العبارات

حزين جداً ومتعومس وخايف ، أحس كنّي على مهوّي نهايات

حبيبتي .. إللي أغليها وأبيها؟ ، راحت.. وقالت بجّي وللحين ماجات

ما أذكر أني.. مسوي شي لكن ، الحب اذا زاد.. يسبب حزازات

والصبر صبر القلوب البيض وأدري ، يامصعب الصبر لا قدّ به محاتات

دمّرني الشوق وإستنرفني شعور ، وتعبت أثبت وجودي داخل شتات

تمر كل الوجيه.. بدرب عيني ، نفس الملامح؟.. ونفس الإبتسامات

حبيبتي طاغيه وبشكل طاغي ، صديقة الليل واجناب البنايات

من وين ما أفتر لاهذا وجهها ، على الطرقات وأضواء السيارات

يابرّي حالي عليها برّي حالي ، عليها يابرّي حالي عشر بريات

لأني أحبها.. فعلاً وجداً ، ماهي محبة.. رفث.. ولا إتصالات

أحس كني أبوها أو أخوها ، أدرى عليها من العالم مدارات

وإللي سواتي.. يحب وخايف الله ، يعرف.. معنى معاناة المعانات

الحزن في بعض الأحيّان إزدواجي ، وجميل.. إذا صار من تجنيب غلطات

من خّلا حاجه لربي عاضه أخيّر ، منها واحسن دبلات الدبلات

وانا مابي .. غيرها .. ولا ألتفت له ، السيده .. لا رجعنا للسيادات

جعل أمها إتوافق إن جيت أخطبها ، تكفون دعواتكم يـ أهل الدعوات

" سعد بن علوش "