شعرك طويل ؟؟ اركب الباص ~

[شيخ نفسه]

السلآم عليكم ورحمة الله وبركاته ~

اتمنى الجميع بخير وصحه وعافيه ..

والله يبلغنا رمضان ان شاء ..


اليوم اكتب لكم هالموضوع من شي قااهرني !!

وفعلا شي مضايقني مرررررره ..

بقولكم السالفه وبقولكم وش ترتب عليها ..

//

يوم الخميس قابلت 2 من اخوياي وركبت معاهم ..

كـ العاده نلعب بولينق وبلياردو ونتمشى وحالنا حال الشباب ..

طبعا خويي دخل شارع التحليه بالرياض ..

[ للمعلوميه التحليه شارع ما اطيقه من عرفته .. ]

مرينا من عند اول تفتيييش وكانو العساكر مشغولين مع مخالفات سيارات ..

وتفاجئنا ان قدامنا تفتيش ثاني [ الأمن الخاص ] ..

وطلب اثباتاتنا كلنا وقال انزلوا كلكم ع الباص !!!!

احنا نسأل نقول بأي حق ننزل ع الباص ..

قال انزل وتعرف ..

نزلت انا ورحت عند الباص اسأل العسكري اقوله وش السالف ..

قال بالقسم تعرف السالفه ؟

وركبوني انا واخوياي بالجيب لان الباص مليااان فيه حوالي الـ 40 شخص !!

وبالجيب انا و 2 من اخوياي ومعنا 3 اجانب ؟

ودونا قسم السليمانيه ..

ودخلونا التوقيف ..

طبعا من الضروريات اني اتصل ع الاهل اقولهم انا بالقسم ، لان لو اتصلوا علي ومارديت بيخافون ؛(

تخيلو اننا من الساعه 11 ونص بالتوقيف عشان ايش ؟؟؟

شعر طويل !!!!!!!!

اقسم لكم بالله ان شعورنا موب طوييييله .. والله ان شعري لنص خشمي ؛(

مافيه الا الي يسوق شعره لكتفه [ وكان له يومين واصل من الخارج للدراسه ] !!

وبعد ماحلقونا [ بعشره ريال ] ..

طلبو كفيل !!

وننتظر لحد مايوصل الكفيل ..

اقسم لكم بالله طلعنا من القسم الساعه 3 وثلث ..

لا مطاعم فاتحه ولا شي ؟؟

بس قاعدين ناخذ لوزين من [ التميمي ] نسد الجوع فيها ؟؟

نجي للي ترتب على هالقرار الفاشل ..

ان الوالده تضايقت مني مررررره !!

ومو متقبله اي تبرير مني ..

ليه دايم السعوديه تركز على اشياء شخصيه وتترك العامه ؟؟

انا شاب وزميلي شاب وغيري من الناس شباب

يتمشون بحالهم .. كل شي عوايل ومالهم الا الشوارع والمقاهي ..

واخرتها يدققون على ابسط حقوقهم الشخصيه ؟؟


اقسم بالله ان امنيتي الحين اشوف نايف بن عبدالعزيز !!

ابي اقوله انت شفت عيالكم قبل تشوفون عيال الناس ؟؟

بالقسم فيه شباب مدة حجزهم 6 شهور عشانهم رفضوا يحلقون ؟؟

ليه كذا القرارات تافهه ؟؟


هذا كل الي بخاطري وابي اقوله ..

والله لايسامح الي ما يعدل بين الناس ..

لكم المايك ~