أنا وسالفة المليار

[الدايفنك]

[align=center]








فكرة الموضوع كنت البارح في الاستراحه جالس ومضبط الشاهي والقهوه وجالس مع شله واسولف معهم
عن المليار وكم صفر ولو عندي مليار وش بسوي فيها ويالله
انتم خابرين اعلوم الليل وش تسوي من مصايب
بس اللي اعجبني بكل السوالف هي سالفه وحده والموضوع كله في هذي السالف ويالله نبداء بسم الله





عزيزي العضو مطلوب منك تمشي معاي خطوة خطوة اوكى







لو جاتك مليار ريال وتكون بالريالات كم من الوقت تحتاج لكي تحصي المليار يعني ابي منك تعد ريال ريالين ثلاث ريال حتى تاصل المليار؟

وفي ردك ابي منك تعطيني التوقع حق الوقت المطلوب اوكى لا تنسى






ويالله نبداء في اول خطوه حسابيه لكى نعرف الوقت المطلوب

• نفترض اننا في كل ثانيه نعد ريال واحد
• بهذه الحاله نبي نطلع اليوم كم فيه ثانيه

الدقيقه فيها ستين ثانيه

نبي الساعه كم فيها ثانيه

نضرب ستين ثانيه في ستين دقيقه والناتج هو عدد الثواني في الساعه

60*60= 3600 ثانيه هذى مجموع الثواني في الساعة تمام




طيب الخطوة الجايه هي كم ثانيه في اليوم

يالله عشان نعرف لازم نضرب عدد الثواني في الساعة في أربع وعشرين ساعة

24*3600= 86400 هذا مجموع عدد الثواني في اليوم

يعني نوصل ان الواحد فينا يقدر يعد كل يوم ست وثمانين ألف وأربع مائه




بعد كذا نشوف الواحد فينا كم يقدر يعد ريال في السنة يالله مع هالحسبه

• السنة فيها ثلاث مائه وستين يوم
• واليوم فيه ست وثمانين ألف وأربع مائة

360*86400=31104000
طلع الناتج واحد وثلاثين مليون ومائة وأربعة ألاف





وفي هذه ألحاله صار ناتج ألسنه موجود عندنا ويا لله نقسم المليار على ناتج السنة

1000000000 قسمة 31104000= 32 سنة
وبهذه الحالة يبي لك 32 سنه عشان تعد مليار وخذ حسابك ان العد متواصل خلال الثنين والثلاثين سنه
يعني ما فيه أكل ولا شرب ولا نوم بس مع كل هالحسبه أتوقع فيه ناس عندهم استعداد





وفي النهاية أتمنى الموضوع يجوز لكم حبايبي أعضاء منتدى لك عيوني واللي يكشف فيه خطاء في الموضوع
يقول واللي عنده طريقة حسبه ثانيه أسهل لا يبخل علينا فيها




(بقلمي)
تقبلوا خالص احترامي أخوكم الدايفنك[/align]

 

 

[ahmad]

وعليكم السلام والرحمه


اخوي الدايفنك

اول شي ماكنت متوقع رقم معين بس بعد حسآبك عرفت ان توقعي الي مدري وشو انه مو من حوله ابد يعني ماافي امل بقول 32 سنه بقول بالشهوور وربي



صرااحه انت خليتني احسب معك من جديد

وصراحه كنت افكر يعني لو واحد معه مليار يبيله 32 سنه عشن يحسب

يآالله الحمدلله ان الوليد وشلته عندهم مكاين تحسب ولا كآن هلوسو

ولاحظ بالثاانيه يعني مافيه نوم 7 ساعات ولا فيه مدرسه 6 ساعات

يعني يبيلها اقل شي 40 سنه


اذا جاله 40 سنه بيكون عاقل تمآما < وبيتحسف على حسبيه الي مضىـا بعمره


طيب تعال

من عمره من سنه حتى 10 ماراح يعرف يحسب صح

يعني يبيلك تزود عشر سنوات ثآنيه


يعني النآتج وانا اخوك < بيموت وهو مآحسب المليااار



بس خله يستااانس ولا يعد ولا غيره



بس والله مسآله معقده ماودك تفكر فيها


وموضوع اعجبني للأمآنه وسلمت اناملك اخوي الداااايفنك على هالحسابات الجميله



تحيآتي

 

 

[ورد جوري]

مــــــا شــــــاء الله


بس ليش اعتبرت انه كل ثانيه ريال ليش ما تكون من فئه تانيه


ما أحلاني وأنا أعد 32 سنه..



الدايفنك

ثانكس على الموضوع

 

 

[بندر الخالدي]

في منتديات لك عيوني


نبحث عن كل ماهو جديد

ولاكن يكن جديد بكتابات الاعضاء


واكثر مواضيع المنتدى منقوله وان وجدت كتاباته فتقتصر بقسم الخواطر والشعر

موضوعك اخي الفاضل


موضوع جميل وبفكره جميله قد ينقصه بعض الشي وكل شي لابد من نقض شي به

ولااكن الفكره جميله والحسابات جميله وتدعونا لتفكير طويل وحسابات اخرى


بالبطبع مليار ريال لن يحصيها شخص واحد فقط بل عدة اشخاص او مكائن مخصصه لذالك

ولاكن بحسابتك فأعتقد انه من المستحيل النهائي ان يحسب شخص مليار ريال وحتى لو مثل ماقالت اختي ورد ان ممكن جزء من الثانيه ريال بما انه كذا يقتلص الفرق من 32 الى 16 سنه فحتى 16 سنه نوع من المستحيل


ولاكن ارجع واقول موضوع يجذبنا الى تفكير بأمور كثيره وحسابات طويله



كل الشكر لك اخي الدايفنك على هذا الموضوع الحصري لمنتديات لك عيوني


تم اعطائك رفع الموضوع للميز + تقييم الموضوع

 

 

[ملكة الأحساس]

يسلمووووووووووووووووووووووووووااا اخ الدايفنك على هالكلام وعلى ماخطت اناملك من كلمات وحرووف فيها موعظة مما جعلنى افكر بها
مـــــــــأبي المليار ريال ابي بدالها مليار حسنة أكسب بها رضي ربي وقربي من جنتة ...
تقبلي مروري واحترامي
ملووووووووووووكة

 

 

[زعــيـ دوم ـم]

والله مابيهن إذا كنت لازم أحسبهن قبل ماخذهن
إتروح مني 32 سنه كثيره والله

واحد نصاب

الله يعطيك العافيه يالدايفنك على الموضوع الرائع

 

 

[الجــ نبــض ــروح]

والله مو لازم احسبهم اذا كنت بضيع عمري على حسابات
<<تكره شي اسمه حساب
مشكور الدايفنك على الموضوع
تقبل مروري
نبض الجرووح

 

 

[عذب المشاعر]

والله لاحسب جدها 32 سنه
العمر فاني

والسنين

رايحه رايحه

سواء قعدت اعد الفلوس ولا طفران


لكن شي احسن من لاشي



وبالنسبه لهالموضووع


ذكرتني بسالفه واحد م الشباب جالسين بكشته والمهم اشترينا


من الباعه المتجولين مادري شنو


والمهم باقي لنا ريال والشباب ماعطوه بال وهالهندي قال خذ

باقيلك ريال


وعطاه واحد م الشبااب


وانا قلتلهم لو خلتوه معاه عاادي ريال

مو مزود ولا منقص


قال خويي ذا انت ماتعطي هالريال حساب


تخيل لو معاك مليار ريال ونقص هالريال


روح احسب 99 مليون ومادري كم الف


لكن الريال يسهلك عمليه النطق بالمبلغ

وتقوول ملياااار


ههههههههههههههههههههههههه




يسلموو يالغلا ع موضووعك الرائع والله يعطيكـ العافيـه


ونصيحـه مالك ومال علوم الليل تراها تخليك تملك العالم وانت جالس

>>>> مجرب هالعلووم


وفي مثل يقول


((كلام اليل زبده لاصبح عليه الصبح سآآآح))



تقبل مرووري وردي المتواضع

اخووكـ

ولـد مكـه ويفـتــخر باصـلـه

 

 

[حلا الكوون]

الدايفنك ..

أشكرك على موضوووعك الرااايق

بس بصراحه ليه أتعب نفسي وأحسبهن أصرفهن اسرع من الحسبه ^_^

أجل تخيل يرووح عمرك وانت تحسب وبالأخير يرثونها عيالك لاااااااع

أستانس فيها والباقي الله يخيله لعيالي << عاشت الحلم

أشكرك أخووي ،،


حلا الكوون

 

 

[ليتني .. حبيبتك]

هههههههههههههه


والله ماله داعي احسبهم لاني اعرف نفسي الخبط بالعد وارجع من اول
ويزيدون السنين بدل ماكانو 32 بيصيرون 50

ههههههههههه

ابصرف ولا رح اعد وش بقى ووش صرفت

مشكووووووووور اخوي الدايفنك على الموضوع

تقبل مروري واحترااامي