تبي تشوف الضياع بصورته شفني
شف ياعيوني ..عيوني.. تعرف أوضاعي
من دون داعي تعانق دمعتي جفني
وشلون لاصار يوم وداعك الداعي؟؟
الجرح يعطش وانا الاوجاع تنزفني
مايعطش الجرح دام الساقي أوجاعي
تزرعني الريح بأنفاسك وتقطفني
وآروح معها مثل ماروّح شراعي
هذي ذراعي واذا حبيت تخطفني
تحضن ذراعي او انك تلوي ذراعي
مادامني معك خل الظلم ينصفني
كل ماتجيه سماك تعيش به قاعي
خذني لحن من زمان الصمت واعزفني
وآصير انا الناي لا والذيب والراعي
ميل وتمايل قبل ماالدمع يذرفني
وان ضاقت الأرض تحتك هذي اضلاعي
العب طرب فوق هذي العوج وارجفني
اطرب عيوني قبل لاتطرب اسماعي
وان شفتني اتساقط لاتوقفني
واعيك "غافي حزن" يالغافي الواعي
أجهلك وأعرف كثر ماأجهلك تعرفني
الحزن طبعي وأشوفة اجمل أطباعي
الجرح يظما..؟ وانا الأوجاع تنزفني؟؟
وشلون يظما؟؟ وانا (الما) يشرب أوجاعي..!!
08-25-2009, 03:02 PM
تبي تشوف الضياع
العرض المتطور
