أبغا أجمع جهاز إش أحسن المواصفات

[شيخ نفسه]

بسم الله الرحمن الرحيم

أول شي مبارك عليكم الشهر الكريم وكل عام وإنتو بألف خير

أنا عضو قديم معاكم بس أول مرة أطلب إستشارة

يا ريت إلي عندو خبرة يشور عليا

والله مرة مستعجل

أبغا أجمع جهاز وأحاول ما تزيد قيمتو عن 2500 بالشاشة

يا ريت توضحولي إش الأفضل

المعالج : الكواد ولا الكور 2ديو ولا دول كور

أفضل المذربودات : يا ريت تكون جيجا بايت شبسيت إنتل

الرامات : د يدي آر 2 ولا د يدي آر 3

كرت الشاشة: إش الأفضل جيوفورس 512m وإش الفرق في أرقامها

يعني في 512 برقم 8400 و8700 إش الفرق

ولا أركب 1g بس رقمو 9100

السيدي روم : أنا بحسب خبرة وتجربة أفضل اللايت أون بس المشكلة مهي متوفرة في كل مكان وبالصراحة إل جي وسامسونج ما ينفعو ولا ببصلة

والأهم دحين الكيس من فين ألاقي كيس جيد ومحترم وسعرو مناسب للعلم أنا ساكن في جدة وآخد الكيسات من خالد بن الوليد على 70-90 بس طبعا كيسات عادية جدا

وكمان إلي يهمني الشاشة 19" بس إش أفضل شركة وإلي يهمني الرسليوشن (الوضوح)

يا ريت تفيدوني بسرعة في أقرب وقت



معليش حتعبكم معايا بس والله مرة الموضوع ضروري بالنسبة ليا



الله يعطيكم ألف عافية ويسعدكم دنيا وآخرة ويبلغنا ليلة القدر يا رب