.. معاد نبي مطرسه ..

[شيخ نفسه]

:
:



المشكله انك تجي تهايط وتزاعط ..! وتربط ذا وذاك وبالاخير تسنك تنفخ لك بقربه مشقوقه ..! ملينا والله وحنا نصايح وغيرنا تغيرت ملامح وجه من كثر مايشجب ويستنكر ..! وعلى شان وش عشان حكامنا الي من مليون طعش سنه وحنا نقول ياجماعه ترا حكامنا لك عليهم ياجماعه ترا حكامنا ماعندك احد ..! ياجماعه ترا حكامنا تسنهم مكيف يشتغل بدون فريون ..! حكام اشهد بالله انهم مايعرفون يحكمون الا حكم لك عليهم ماش طب ..! تعلم فيهم ولا ماتعلم ..! بتقولون وش دليك ان حكامنا يجيبون المغص ..! بقولكم هالاودم صار لهم اختبار كوبر بانت وماش رجعو كلهم راسبين ومجيمها عندهم المكينه ..! وجابو واسطات عشان يرجعون يعيدون الاختبار وماش طب نجح منهم اثنين والباقي جاب العيد ليت عيده باول مره ماهب يعيد مرتين ..! يعني بالله حكامنا يجيونك ضاربين بالمفاطيح واذا قلت له اركض قال خلصت الزيت معاد فيني حيل ..! بالله ذولي يقدرون يحكمون مباراه مصيريه مباراه ستطعش مليون يشفونها ويشوفون مطرستهم ..! مالوم كل رئيس نادي يوم يطلع ويصرح ويقول تعنبا ياناس من مطرسه حكامنا ابيع عيالي كلهم بس نؤمن لنا حكم اجبني معاد نبي حكم سعودي ..! والرئيس يدفع دم قلبه ويجيب محترفين عليهم العلم وينصدم ..! بحكم مايمديه يجيب سبرنت وهو يمشي كيف اجل بيركض ..! يعني والله حرام اننا في دوري واقوى دوري عربي ومحتل الستطعش عالميا وهذي طبيعها حكامنا ..! وبعضنا يحسب ان الرئيس حاقد على الحكم او بينه ماضي اقشر لا الرئيس دافع دم قلبها على لاعبين ومدربين واخرتها يطيح في حكم مضروبن دماغه عاد انتم ياحقون لا تحاد السعودي اذا تحسون ان الحكم الاجنبي غالي ويبي يشيل نص ميزانيتكم ..! حنا مانقول جيبيو لنا افضل حكم لا والله بس نبي حكم لو هو ما يعرف من علوم الحكامه الا رايتها وشارتها المهم يا اتحادنا المجبل ..! إمسكو دورينا قبل ينفلت ويصير سنه دوري زين اكل خابور وإيقاع في ذمه الله