شآعِرْ .. وخـآنه الكلاآمْ ,!

[شيخ نفسه]

مسآكم / صبآحكم
مقطوعة فرًح بعيده عن هنــآآ hert


لاآمستني من قُربْ وشدني إحسآس شآعرهآ
مُجرم هو بحق ! eh_s(2)




ضاق صدري و رحت أفضفض قاصد ٍ نفس الرصيف !
شفت نور الحي زايد و آنا خبري به ظلام hert


و الغريب انه خفوقي زاد نبضه .. مدري كيف !!
كني طفل ٍ .. يبكي .. خايف .. ضايع ٍ وسط الزحام


اثْرها كانت وراي .. و الضيا ما كان طيف ,!
قبل ما اوقف و اسلّم .. قلبي المشتاق قام .


ما طرى في بالي الا ( يا بَخَت من لك وليف )
عينها بعيني .. و نظره .. رجعتني كم عام .


فجأه شفت اشجار تخضر و هْيَ في عز الخريف
و هذا هو حال المفارِق يوم يطري له الغرام .


يبتسم .. يشبه بشوقه .. للنظر شخص ٍ كفيف .
الأمل ضايع .. ولكن .. الأماني مو حرام ..!


الثواني تمر و تمضي .. اشهد ان الوقت سيف
فجأه قالت ( كيف حالك ) قبل ما أرمي السلام !


كنت احسْب اني قوي .. لين اكتشفت إحساسي زيف
ما عرفت انطق بكلمه .. شاعر و خانه الكلام !!!


كيف اقول اني بخير و باين بقلبي النزيف ؟
و الملامح بان فيها عين ما عادت تنام


مرتبك .. واقف .. و ساكت .. انفض غبار الرصيف
بالعجل هزيت راسي ( يعني اخباري تمام )


و انسحبت بْلا تردد لأني انسان ٍ ضعيف
و القوي لا شاف موته .. يوم يضعف ما يلام ... eh_s(2)

رمـآل