لا تتنهد

[شيخ نفسه]

<div><i><b><font size="5"><div align="center">



فتح راكان اللاب توب و ضغط زر التشغيل و راح يلبس البيجاما , كان الوقت متأخر والساعة 2 بالليل.
الولد دااايخ و فيه النوووم بس المشكلة انه خلاص تعود يدخل النت متأخر يومياً بهالوقت بس عشانها.


فتح الانترنت اكسبلورر و بدا الاتصال و بينه وبين نفسه كان يتمنى من كل قلبه يلقاها اون لاين
فتحت الصفحة الرئيسية و بسرعة جررب يدخل المسنجر لكن المسنجر بكل لعانة رفض يدخله؟

- هذا وقتك عاد !!

جلس يجرب مرة و ثنتين و ثلاث بينه وبين نفسه كان يقول أنا وش حادني والله أني نعسان وفيني النوم
لكنه عارف أن الموضوع ما يستحمل تأخير خصوصا أنه صار لها فوق الأسبوع ما تدخل مسنجر و لا ردت على الإيميل
الي أرسله لها !.

* المشكلة ان أم النوم ذي ما تنام زي خلق الله من جت العطلة و هي سهر بالليل و خياس بالنهار .



بعد عشر محاولات و للمرة الـ11 اخيراً تم تسجيل الدخول ..بس بعد كل هالتعب لقى كل قائمته أوف لاين!




هو ما كان يبغى الا هي بس وش عليه اكيد هالشينة مسوية لي بلوك !

بهالوقت كانت مرام طفشااانة و تحوس بالنت و مسوية أوف لاين عالمسنجر و لما شافت تسجيل دخول فررررحت

_ و اخيرا بلقى احد اسولف معه..

بس خاب أملها لما شافت النك نيم:
"Reality Sucks I'm Gonna Keep On Dreamin "

- وعععع ليش حظي زفت كذا من بين 29 شخص عندي ما يطلع لي اون لاين الا هالبثر!


وظلت مرام تكمل دجتها بالنت و بعد نص ساعة فجأة جاها طلب إضافة من إيميل غريب!

قعدت تتأمل الإيميل هل يا ترا هو لبنت والا ولد!

وقررت مثل كل مرة تقبل الإضافة و تتأكد الحيين عشان اذا كان ولد تحذفه على طوول!


لما جت بتغير إلى اون لاين انتبهت ان راكان للحين اون لاين , لا و مغير النك عشان يلفت انتباهها:

"مراموووه اذا كنتي اون لاين شيلي البلوك عني
ترا السالفة مهمممة"

*علي انا يا راكانوه هاه !

مير عناد لخليك بلوك أسبوع عشان ثاني مرة تعرف تقول عني تافهة!






/
/





#على فكرة مرام ما تضيف أولاد بالمسنجر عندها , لكن راكان مو اي ولد , راكان يصير ولد خالتها.

هو اكبر منها ب 6 سنوات, على الرغم من ان عائلتهم محافظة جداً لدرجة انها ما تذكر ملامح وجهه لأنه كبر بدري
عنها و صارت ما تشوفه ابداً .. في عايلتهم بمجرد ما يبلغ الولد خلااااص ما عاد يدخل عند الحريم حتى في الأعياد
و المناسبات الحريم الي يكشفون له هم الي يجون يسلمون عليه , اما بنات خالاته و اي بنت مو من محارمه ما عاد
يسلم عليها او يجي لسانه على لسانها!



*آخخخ يالقهر معقولة زعلت من آخر محادثة بيننا لما قلت لها انك تافهة! بس انا ما قلت شي غلط هي صدق اهتمامتها تافهة!

اجل حاطة النك حقها بذاك اليوم :
تؤبرني هالضحكة يا ناااس!

و حاطة الصورة الشخصية لها ذاك الهندي شاروخان !

المشكلة انها تتهمني انا بالتفاهة . لا هي ما كانت تقصدني انا بس كانت تتكلم بشكل عام عننا يالسعوديين

و .. لحظة وش فيني صرت أتكلم مثلها نست نفسها هالسيرلانكية ماسكة لي كل كلمة و الثانية بس انتو يالسعوديين
وانتو يالخليجيين!


مرام كانت حاقدة من قلللب على كلام راكان لها , بس بينها و بين نفسها كانت حاسة انه رمى قنبلة بوجهها ,
ليش قالي كذا ؟!





/
/






كانت دايماً لما تفتح نقاش معه و يجي طاري الشباب ترمي كلمة قوية و تجرح:


تؤبرني هالضحكة يا ناااس :
ما اصدق أول مرة ادري انه فــعايلتنا شاب زي هشام!

Reality Sucks I'm Gonna Keep on
Dreamin:
ليه وش فيه هشام زود عن شباب عايلتنا!



تؤبرني هالضحكة يا ناااس :
اممم ما فيه زود على قولتك بس يكفي انه فكر يدور له وظيفة صيفية حسيت لاول مرة انه بعايلتنا شباب مو تافهين
و متكلين على أنفسهم .


أنصدم راكان من كلمة مرام بس هالمرة قرر انه ما يسكت لها حس أنها مصختها !!


Reality Sucks I'm Gonna Keep on
Dreamin:
ليه عمتي مرام ومن قالك ان باقي شباب العايلة تافهين!



تؤبرني هالضحكة يا ناااس :
ما يحتاج احد يقولي واااضحة زي الشمس مو شباب عايلتنا سعوديين
معناته أنهم تافهين !



Reality Sucks I'm Gonna Keep on
Dreamin:
ليش هي صارت معادلة
اي شاب سعودي = تافه!




تؤبرني هالضحكة يا ناااس :
إمممم .. تقدر تقول يسسس


Reality Sucks I'm Gonna Keep on
Dreamin:
ودي اعرف أنتي تتكلمين من جد!



تؤبرني هالضحكة يا ناااس:
لا أتكلم من خال
هههههههههههههههه


Reality Sucks I'm Gonna Keep on
Dreamin:
اممم ما ودي أرد عليك بنفس أسلوبك و أقول أنتو يـ"السعوديات" !
لكن بقولك اسمحيلي أنتي آخر وحدة تتكلم عن التفاهة



تؤبرني هالضحكة يا ناااس:

خير عمي راكان وش عندك ماسك علي يوم تقول اني تافهة !


Reality Sucks I'm Gonna Keep on
Dreamin:
لا ابد سلامتك بس من شاف القرد الي أنتي حاطة صورته و قرا النك نيم حقك عرف وش هي التفاهة!







/
/








انصدمت مرام من هالكلام و من كثر ما انصدمت مر أسبوع على آخر محادثة بينها و بين راكان , مع أنها كانت متعودة
تكلمه بشكل شبه يومي عالمسنجر, صار لها من يوم ما أضافها عنده سنة , يا ربي سنة كاملة بس لو يدري احد عنهم
من العايلة وش بيقول! وايش بتسوي فيني أمي!





مرام من وعت على الدنيا وأبوها فري عالأخرر , بعايلتهم كانت أسرة مرام تعتبر أكثر أسرة فري , لأن أبوها أول
من دخل الستالايات بالعائلة , وهو أول من دخل الانترنت بيته في الوقت الي كانوا باقي العايلة يعتبرون النت كفر
و العياذ بالله!






شوي شوي قدرت مرام تقنع أبوها يسمح لها تستخدم النت و بحجة ان المدرسات يطلبون منها مقالات و القاءات عشان الإذاعة بالمدرسة .


أبوها كان مقتنع إن الانترنت شر لا بد منه و الأفضل نخلي العيال يستخدمونه تحت إشرافنا بدل ما ينتشر بعدين
و يصيرون يدخلونه من ورانا و يستخدمونه بطريقة غلط! بعد ترجي و تبكي عند أمها وافقت بس بشرط أنها ما تعلم
احد من العايلة .

وشوي شوي صار استخدام النت ينتشر في العايلة بس ظل محظور على الشباب و ظلت مرام البنت الوحيدة الي
تستخدمه , بعد كم سنة صارت تستخدم المسنجر بعدما فهمت أمها انه يختلف عن التشات و ان بالمسنجر هي تقدر
تختار البنات الي تسولف معهم و أقنعتها أنها أصلا ما تبغاه الا عشان دروس الترجمة مع صديقتها "أنفال" , مرام
كانت مقتنعة بينها و بين نفسها أنها مستحيييل تقبل على نفسها أنها تكلم ولد خصوصاً بعدما أنصدمت من اول واحد
تعرفت عليه بالمسنجر و تفاجأت فيه بعد محادثتين بس يرقمها!

* والله أتاري السعودي بيبقى سعودي أول ما يشوف طيف حرمة بيرقمها !


ومن عقبها حرمت مرام على نفسها أنها تضيف أي تماسيح للمسنجر !





/
/









مرة من المرات كانت تكلمها مضاوي بنت خالتها -أخت راكان- الي كانت تبغى منها شوية تصاميم عشانها متوهقة مع
مدرسة الفنية ,مرام كانت شاطرة بالرسم و الأشغال اليدوية حاولت توصل لمضاوي فكرة تصميم على شكل حورية
كانت تحتفظ بالرسمة عندها الي هي من توقيع جيم وارن:

+ أقول مرامووه لا تجنيني والله تراي متوهقة و لازم اسوي الرسمة الييوم وش الحل؟
تدرين وشلون اذا تقدرين أطبعيها و أرسليها مع السواق .

-اممم السواق موب فيه مودي عبد المحسن اخوي للملعب و بيقعد معه لما تخلص المباراة .

+ وش ملعبه ؟

-مدري عنه بس الظاهر اليوم فيه مباراة الهلال ؟

+يا فضيه أخوك ذا , طيب وش الحل ؟!

- ما أدري عنك؟


ولمعت فكرة براس مضاوي ..

+ مرووم حبيبتي مو أنتي عندك إيميل صح ؟

- إيه .

" مرام ومضاوي كانوا صديقات و مضاوي تدري عن كل أسرار مرام "

+طيب شوفي انا بكلم راكان أخوي و اخذ منه أيميله و أرسليها أنتي له و أخليه يطبعها لي .

-طيب بسرعة شوفي لي أيميل أخوك و انا بروح اشبك النت وأنتي كلميني على جوالي اوكي مو
تستهبلين و تدقين على خط البيت!

+ وش قالوا لك مو لهالدرجة غبية.. يالله باي .



راحت مضاوي تكلم أخوها راكان ..و تفاجأت برنة الجوال جنبها اتاريه على الشاحن الي بالصالة

وتروح تدق باب غرفة راكان الي بهالوقت كان بغرفته على النت..

أنصدم راكان لما قالت له مضاوي السالفة كان قاعد يحاول يستوعب و مو مصدق أنه مرام تدخل نت ..

مضاوي كانت مستعجلة وتلح عليه يعطيها الإيميل ..

طلب منها تروح تجيب ورقة وقلم و كتب لها عنوان الإيميل ..

أخذت منه عنوان أيميله و راحت تركض تكلم مرام و هو بنفس اللحظة كان تحت تأثير الصدمة

,, مرام بنت خالتي تدخل نت , لا و عندها إيميل بعد ؟!!



بهاللحظة قطعت مضاوي تفكيره ..


+ هاه راكان يالله اطبع الصور..

,, وش صوره؟!

+ الي أرسلتها مرام , من شوي قفلت منها و تقول أنها أرسلتها لإيميلك يالله عاد أطبعها ؟!

,,لحظة خليني افتح ايميلي ..



بهاللحظة وهو يفتح الايميل لقى بالبريد 3 إيميلات , واحد منهم كان من مرام بنت خالته !

لفت نظره المرسل:
It's Me

اما العنوان كان فاضي!

فتح الايميل و قام عن الكرسي بعد إلحاح مضاوي بس بعد ما قعد يردد بينه و بين نفسه:
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]<font color="blue">



ظل واقف وهو مب مصدق ! معقولة مروم بنت خالته الدبة الي آخر مرة شفتها كانت من خمس سنين