.•.°.• روح الله يسامحك .•.°.•

[شيخ نفسه]

.•.°.• روح الله يسامحك .•.°.•




روح الله يسامحك مآبي عذر منك ولا تبرير
انا بنساك من قلبي وأبيك اليوم تنساني



تراه أحسن لنا نذكر بعضنا دايم بخير
ابلقى من يقدرني وتلقى واحد ثاني


ابد ماكان في بالي ترى ما صار يوم يصير
ولا ظنيتك تكون الطريق لهمي وإحزاني


حسبتك غير لكني ندمت اني حسبتك غير
رسمتك صوره حلوه بكل إحساس وجداني



قسيت وكانت القسوة تفوق الوصف والتصوير
اعاني منك وأعاني وأعاني منك وأعاني



مصيرك يوم تندم على الإخلاص والتقدير
وتذكرني بعد مده تعيش بدور حرماني


وانا عايش بلا دمعه بلا لوعة بلا تأثير
ولا يطري لي أعاتبك ولا تطري على لساني


روح الله يسامحك ماعاد باقي وقت للتفكير
يجي لك يوم تعرف فيه من يندم على الثاني




انتضر ردودكم اخوكم ~غريب أمرك~



وشكرأ