اكبر وجع يالقلب ..لاصرت تغلي واحدٍ ما درى عنك

[شيخ نفسه]

بسم الله الرحمن الرحيم

لست بارعا في نسج المقدمات فلذا اترككم مع القصيدة

واتمنى انا تنال استحسانكم /


اضحك واداري عباد الله واجاملها
والله على نعمة الكتمان قايدني

دورت بالخلق ؟ ضايعها وعاقلها
ولا لقيت اللي لامن ضعت يرشدني

حتى اللي بديته امن الناس بأكملها
راح وغدربي ؟ ولاكنه معاهدني

مافيه احد يحفظ العشره ويبجلها ؟
هذي الحقيقه .. وشكي مايراودني

ان مت .. كل ٍ نسى ذكراي واهملها
وان رحت .. محدٍ من العالم بفاقدني

عزاااااه ,, يا ( ضيقة ٍ ) بالصدر شايلها
وين اللي يبكي علي .. وان طحت يسندني

لاجيت أقرب لخلاني و أواصلها !
لقيت حتى ( طريق القرب ) .. يبعدني ؟

ياللي جروحك .. عرفت شلون اعاملها
انا تعودت .. لاداعي تعودني

يا أول سنيني .. و آخرها .. و أجملها
الله معاك ومعي ؟ .. وأبيك توعدني !!

لاجات ذكراي في بالك ؟ .. تأملها
شف وش كثر كنت ! .. بالتعذيب تجهدني

ليتك مثل ماتخيلها ,, تخيلها
وتعرف الأحزان ! .. ياللي كنت ! مسعدني

اليوم ؟ .. سلم على (( الصوره )) وقابلها
ماعاد فيني شعور ٍ .. لك يجودني

والله .. مدري انا من وين احصلها
من ظيم الايام .. أو .. حظ ٍ معاندني

جتك ( الـرسـالـه ) .. وانا ماكنت برسلها !
لكن ؟ .. هذي علومي يوم تنشدني


من اجمل ما راق لي و لامس احاسيسي
!..تـ حٍ ـيتي تسبقها مـ حٍ ـبتي .!

حلـ ـ ـم