جـديد عبدالله الظفيري: طوارئ:

[شيخ نفسه]

لا اجـيد المقدمـات


،

ياماضي العمر ، كم لي فيك من ذكرى
........................ كل ماطرت يرتعش هـ القلب في صدري!

لو أجمل الماضي بـ مستقبلي يُشرى؟
.......................... كان اشتريته وبعت الباقي بـ عمري!

.

.

.

.

.

.

.

يا ليلة العيد .. حالف لو تجيبينه؟
................ لأرجع كأني طفل مجبول بأفراحي

مبطي عن أفراح هذا العيد وسنينه
............. مبطي عن الصبح به ما مرني صاحي!

يافرحة العيد.. وينك عني! ووينه؟
............... بعده .. ولا فيه منهو حرّك جناحي!

.

.

.

.

.

.

.

خلاص أبنسى جروحي منه.. واتفضّى
.................... وأطلق من العوج قلب ٍ كان متقيّد

واسلى مع الناس لاجل العيد واتقضّى
..................... واهدمْه صرح ٍ من الأوهام متشيّد

وآصب من سلسبيل الصبر.. واتوضّى
.................... واطلع.. واصلّي صلاة العيد.. وآعيّد !

.

.

.

.

.

.

.

ياصاحبي.. وش ذكرك يوم اتصلت؟
............... صديت .. ما كن لك بهالكون أصدقا !

أنا على حطة يدك .. لو انخذلت
............... أبقى على عهدي وهقوة من هقى

مشكلتك إنك تدري أغليك.. وثقلت
................ ومشكلتي إن لي قلب عامر بالنقا !

تاخذ لك شهور بغيابك.. ماسألت
.................. شف كم تبي تاخذ على شان اللقا !

.

.

.

.

.

.

.

أمانه يامصر في محجر عيونك خذي رجعان
............... تراه الحين أغلى من مشى في طولك وعرضك

يحق لوجه أرض النيل تمسح بالكفوف الآن
...................... وتتيمم صعيد أقدامه اللي داست بـ أرضك !

.

.

.

.

.

.

.

الإهداء إلى خالي الشاعر/ رجعان الجفال .. مع ابتسامه صادقه كـ قلبه
،

صاير تلبس نظارات
.............. ياخالي الله يخليك

يعني (شايب) عمرك فات
........... وشوفك بالغصب يقدّيك

عمرك عدى الخمسينات؟
............. الله يرضى لي عليك

لا تتغزل بالحلوات
........... وانت اللي فيك مكفيك!

استسلم عطني الرايات
........... لجْل أكْمل رحلة ماضيك

.

.

.

.

.

.

.

يا البرد وش وجه الشبه بينك وبين..
.............. الحزن.. لا ضمّيتني.. فجأه لفا ؟!

لا صرت في عظمي أحس إني حزين!
............... ويصير مفهوم السعاده ... بالدفا !

يا البرد.. "كااافي" قسوة قلوب السنين
........... مو ناقصه [ تجْمد ] .. دخيل الله كفاااا



.

.

.

.

.

.

يعني لو تكثر حواليك الحكايا
................... اعرف إنك من معين العز راوي

ذي ضريبة كل ناجح في البرايا
............... لو فتش جيب الصحب يلقاه خاوي

يابدر وش تنتظر منهم؟ .. هدايا !!
................. لو نبشت قلوبهم تلقى بلاوي !!

خابرك أكبر من علوم الردايا
........... وأشهد إن اللي يبي يصعدك / هااااوي!

.

.

.

.

.

.

.


يا [نسيج النور] .. كيف بـ شاعرك يستغني؟
.................. عن وجودك في حياته .. ياحياة شعوره !

لو تجمهر حوله الأصحاب.. لا ما يغني
.................. وانتي أغلى من حضور أصحابه وجمهوره

هذا قلبي من ذكرتك .. دوبه يبلغني :
................. إنك أجمل من عرف في كل هـ المعموره!

.

.

.

.

.

.

.

أطالعهم .. !
وكني بينهم .. معهم



أطالعهم
وعارف كل حرف انقال..!
واسمعهم!



أطالعهم..
وأحس أنفاسهم من حرها ..
تلفح مدامعهم



أطالعهم
وأنا وش في يديني
غير لا طاحوا
أودعهم..!



ياسامي..
لا أنا ناقص قهر !!
وْلا الشعر يقدر يرجعهم !!




،