[شيخ نفسه]

ول مسرعك وقتي كان في عمري دقايق
.......................... كل شي نطحني صاح ينعى شبابي
كل صبح يصبحني عبوس وضايق
............................ وكل ليل ايمسيني يزيـد اغترابي
من وانا طفل ماذكر ليله امسيت رايق
.......................... من صواب ابصواب الله يجبر مصابي
الحروف الجروح ومن قراها تهايق
......................... في خفايا خفوقي واشترك في عذابي
هاك من كف صاحب كل راس الحقايق
............................ضايق الصدر جيتك دوك مافي جرابي
دوك صدق عليه من الليالي وثايق
..............................جربه صوت تكفى يامطيل الرجابي
(مابقى وجه شفته من وجيه الخلايق
............................ ...ماحضنته وفا ثم خانني في غيابي.)
والله اني من الدنيا واهلها متضايق
................................بشر اللي يبي يفرح بحزة ذهابي
كثر حر السموم وكثر صلو الحرايق
............................. جيت ابصرخ بهمي قبل اموت ابثيابي
(اه واسري اللي يسبره كل وايق
............................ ...مابقى به فضولي مادرى عن صوابي
كل مرتاح نام ونازف الجرح فايق
.............................. وكل منصاب يسلى غير حضرة جنابي