[شيخ نفسه]

لا تسأليني عن أسباب الزعل مــدري // يجوز نفسي على كثر الجفى ارتاحـتــ


أو يمكن إني عرفت السر من صغري // ما بالحمامة حــزن لو إنها ناحـتـــ


حتى اتخذت الهجر في مقتبل عمري // طبيعة راحت الأحبـاب ما انزاحتــ


ما والله ابكي ولكن من سنا جمري // شف ريحة العود لولا الجمر ما فاحـتــ


كم عبره لا غفيت أكنها بصدري // مير البلا لا قعـدت الصبـح ما راحـتــ


تكبر معي تدرك المحجر ولا تجري // من يوصف الدمعة اللي ما بعد طاحتــ


أبقى على حالتي ادري ولا ادري // لا اجتاحت أيام بعض أيام ما اجتاحتــ


بس اتركيني أنا وعبراتي وعذري // عايش على ذكريات الغير لا راحـتـــ


وإلا أنت بالذات لا تجرح ولا تبري // لا عين رفت لـك ولا أذن صاحـتـــ




للشاعر / حاكم بن مشعل المعلا