انا قلبي تعلـق بـك ولا اظنـه ابـد ينسـاك
يصد بك الزمـن لكـن مصيـره لـك يودينـا
شعوري مركب(ن)عامر حمل كل الغرام وجـاك
تعذر عن شواطي الغير يبي شطك لـه المينـا
اشوفك نجمة(ن)تسطع واجي فازع لها منّـاك
يغيبها شعاع الشمس وينشـر قسوتـه فينـا
تعرف اني ابي وصلك واعرف ان الوصال مناك
ولكن حظي وحظـك حلـف يبعـد خطاوينـا
حبيبي عارف(ن) طبعك ولا يخفى علي مبـداك
تصون العهد والعشره وبك تصـدق هقاوينـا
اذوب بكلمة منك واموت من العطـش وارواك
واشوفك فرحة الدنيا وشمـس(ن) دوم تدفينـا
تقرّب يا منى روحي طلبتـك لا تصـد هنـاك
تعال ولملم اجروحـي تـرى قربـك يداوينـا
انا يافرحة الدنيا ابـي اقضـي العمـر ويـاك
ابيك اتعيد لي حب(ن) فقدتـه منكـم سنينـا
تسآئلني عن اهمومـي سؤال(ن)طالمااشقـاك
جوابـه يامنـاة الـروح يصبحنـا ويمسينـا
حبيبي حارت الدمعه في عيني والجواب اهواك
تعالـي كفـي الدمعـه بكفـك قبـل تنهينـا