[شيخ نفسه]

بسم الله الرحمن الرحيم

هلا وغلا بالي نوره غطى الكهرباء ..
اليوم بقولكم سالة الموقف الي صار لأمي باتفصيل .
مع تمنياتي لكم بمشاهده ممتعه
.................................................. ...................


كان يامكان في العصر والأوان ..
في ظهريه احد الاياام توني راجعه من الدوام على بال ماجلست وروقت رحت انوم شوي قبل العصر
مادري الا والسيده (أمي ) ناطه فوق رااسي طميح ...طميح

قومي قومي بسرعه

وانط من الروعه وشو .وش صاير ..؟؟
_ غتر غتر ابوك .. رااااااااااحت ..ياااااويلييييييييييه وش اسوي وش اسوي الله يستر ..
_ !!!
_ وش لقفني وخلاني اغسلها ..
_ !!!
_ هااذي جزاء اللقاافه .. هاااااه وش اسوي دبريني قبل لايجي ابووك
_ وش السالفه ؟؟!!!!!!!!!!!

_ غتر ابوك كلها صارت صفراء زي ذي الستاره

_ !!! صفراء !! وش الي قلبها

_ وانا ارتب شفت غتر ابوك حايسنها عبود ودحوم مع ألعابهم جمعتهم ولقيتهم مره متوصخات

حطيتهم في الغسااله وحطيت شوي كلوركس بس شووووي مره .شوي الا انقلبوا صفر ..

وشلوون ..؟؟
اخبر الكلوركس يبيض ..!!!

_ }= فاااااااطسه ضحك

_ ايه ايه اضحكي .. وش اسوي الحين هاه ؟؟ وش اقول لأبوك ..؟؟

_ ههههههههههههه قولي له الحقيقه .. كم وحده ..؟؟

_ خمس .. ثنتين صفر صفر وثنتين هاه ليمونيات وحده الي صاحيه بيضا ..

_ خمسه مره وحده خربتيهن

}= وتقعد تصفق يد على يد وهي جالسه ع الكمدينه .. وشوي نسمع صوت ابوي داخل للبيت
وتنط امي وتعود تقعد وتعض اصاابها وهي تقول يوووووويللللللي واحنا ميتين ضحك وتخبطني
تقول قوومي .. ؟؟

_ لوين ..؟
_ خلنا نتغدى قبل العصر بسرعه ..
_ وش معلجنا خليني انوم شوي داايخه ومالي حيل ...
_ قوومي خلينا نخلص منه ونروح العصر للمحلات الي ورى البيت حق الملابس الرجاليه نشتري غتر ..
_ متأكده .. ماقد شفت ورانا محلات رجاليه ..
_ الا فيه ..بس يمكن سكرووه ..؟؟
_ وش حادنا ع المشوره .. علميه ويشتري له وخلصنا..

_ ماااالي دخل برووح اشتري يعني برووح .. واحطهم في الدولاب بدل الي خربوا
_ يعني كيذا مو عاارف ..؟؟
_ يعرف بكيفه اهم شي جبت بديل ..
_ طيب البديل جاي جاي قوليله وخلصنا نروح نتمشور ونغامر عشان غتر !!!!
_ انتي قومي وماعليك ..بسررعه خلينا نتغدى

_ طيب ..
}= تغدينا على عجل .. ولا بعد في المطبخ واحنا واقفين .. اذن العصر وصلينا

_ يمه الحين وش اقول لأبوي .. بنروح لمحل أشمغه

_ ياغبيييييه .. الحين مابيه يدري تعلمينه قولي بنروح للمحلات الي ورى البيت وبس
_ انجين انجين

}- واروح لامي وبسررررعه بسرررررررعه .. اسرع منها بلبس العبايه زي ذيك السرعه عمري ماشفت

وتمسك بيدي وبسسسسرعه تمشي وطيرتني معها وهي ماغير تقول وش خلاني اغسلهم وش خلاني اتلقف .. وانا ماغير اضحك عليها
يوم وصلنا درنا على المحلات كلها في الاخير صار المحل مسكر منذ مبطي ..

_ هاه وش انسوي الحين نرجع للبيت ..؟؟
_ لا ..مانيب راجعه الا والغتر معي ..
_ طيب من وين .. مافيه محلات ..؟؟
_ خلنا نمشي طول الطريق ندور عسى نلقى ..

}= واحنا نمشي شفنا قدامنا رجال شوي و قالت امي /
شوفي ذا ..
_ وين الي قدامنا ..
_ ايه ..
_ وش فيه ..؟؟
_ شوفي غترته صفراء ..اكيد زوجته غسلتها وانقلبت ولبسها ماقال شي ..
_ الحين ابوي ماقالك شي .. انتي الي رحتي تشقين عمرك ..
_ كيفي ابي اجيب بديل قبل لا يعرف

_
_ تضحكين علي .. ترى ربي بيبلاك بعدين
_ ههههههههههه لا ان شاء الله مارح اغسل غتر رجلي بكلوركس
_ لا تتهزين


برب