كان ياما كان
الحب مالي بيتنا ومدفينا الحنان
زارنا الزمان
سرق منا فرحتنا والراحة والأمان
حبيبي كان هنا
مالي الدنيا عليه بالحب والهنا
حبيبي يا أنا
يا أغلى من عينيّ نسيت من أنا
أنا الحب اللي كان
اللي نسيته قوام من قبل الأوان
نسيت إسمي كمان
نسيت ياسلام على غدر الإنسان
والله زمان يا هوى زمان
يا حبيبي جيت أنا ليه في الدنيا ديه إلا علشان أحبك
علشان يذوب عمري من جرح غدرك بدري
شمعة ورا شمعة وتعيش إنت لفرحك
يا حبيبي فداك أنا وسنيني اللي جاية فداك قلبي اللي حبك
إمشي فوق همي فوق دمعي وغني
ولا تنزلش دمعة ليلة فوق خدك
وآه ومن حرقة الآه ذاب الحجر
وآه من قلب جواه حب إتقتل
وآه على عاشق هواه من غير أمل
وآه والشكوى لله مش للبشر
عسل ومر إنت
وفا وغدر إنت
وحب العمر إنت
كذبة إنت كذبة
لكن أحلى كذبة بعتها لي الزمان
رقة إنت رقة
لكن شوك ودمع وبحر من الأحزان
زمان لما جيت
بعد غيابك سنين وعلى قلبي ناديت
رديت حبيبي جاني
إشتاق لحبيبه تاني
لحبي لحناني وياريتني ما رديت
زمان كان لينا بيت
واصحاب طيبين يبكوا ليّ لو بكيت
و يخافوا عليك يا غالي و عليا من الليالي
من همسة من كلمة ويدوبوا لو غنيت
والله زمان يا هوى زمان