خاوا جروحه وخلاهـا علـى ربّـه
ذي آخر أخبار ( قلبي ) يا مشاويري
كله ذهول !! وهبـوب الغبنـه تهبّـه
مغبون .. وعتابه اصدق من معاذيري
القلب: ( مركب سهر ) والريح تلعبّه
والموج ما يرحم ذنوبـي وتقصيـري
والحب : غبّه ورى غبّه ورى غبّـه
فقدت فيها ثلاث اربـاع تفكيـري !
مرات اقول الخطا مني وانـا السبّـه
ومرات اقول السبب قسوة مقاديـري
واااعيني اللي تهـل الدمـع وتصبّـه
على فراق ٍ سرق فرحـة تباشيـري
تقول سامح زمانـك والحـزن خبّـه
واقول منهو يعوضني مخاسيـري ؟
وشلون اسامح زماني واللـي آحبّـه
خذاه غيري وانا اولى فيه من غيري !