- التفاصيل الصغيرة -
/
ازعل عليك احيان
وأزعل على نفسي قبل ماأزعل عليك
وأرضى عليك احيان
وأرضى على الدنيا وانا راضي عليك
وأنت عمرك
مازعلت .. وماعتبت ... ومارضيت
أزعل علي لو كذب
أعتب علي لو كذب
هذي التفاصيل الصغيره
اللي تخلينا نحب
ماأحب انا ازعل عليك
ازعل انا لأني احب
***
ياأدفي من حروف الشعر
ياأرق من حلم السنين
إذا تركتك تنتظر
حسسني إن انتا حزين
مابي تقول مسامحك
قل : ماأبيك
وإذا رجعت اصافحك
أبعد يديك
أنا انجرح قبل اجرحك
وأبكي عليك
لكن أبي مره تحس
وشلون أنا أمووت فيك
هي التفاصيل الصغيره
اللي تخلينا نحب
ماأحب أنا أقسى عليك
أقسى أنا لأني أحب
***
أدري فيك تموت فيني
وأنا ميت من برودك
لي متى وانتا تبيني
وماتحسني بوجودك
ايه ... حسسني بوجودك
لمّ صوتي
بعثر حكاية سكوتي
لاتخلي الحب يفقد همسك العذب ويمووت
قل احبك ..
قل احبك بأعلى صوت
انا مليت السكوت
***
ياإبتسامة قلبي ولهفة حنينه
ياشقاه وياحنانه
يابعد كل المسافات الحزينه
معك امانه
الدروب اللي مشينا .. لاتضيع وتغترب
بالتفاصيل الصغيره
نقدر نعيش ونحب
/
فهد المساعد
:v3:
أتمنى أن ترتقي لذآئقتكم ..,
الموضوع الأصلي : <font color="#FF0000" size="1" face="tahoma">بالتفاصيل الصغيره نقدر نعيش ونحب ..’<font color="#FF0000" size="1"> -||- المصدر : منتديات -||- الكاتب : <font color="#FF0000" size="1" face="tahoma">بشوتي