أوغاد السلطة .... وقصتي مع عميد الجامعة ....

[شيخ نفسه]

( ملاحظة : الرجاء عدم نقل هذا الموضوع إلى قسم آخر إلا بموافقتي ..... وشكرا ) .



السلام عليكم ورحمة الله وبركاته ...



بدخل دخلة جامدة بالموضوع ! ::::::" ...


كلنا يعرف أوغاد السلطة أو سلطة الأوغاد ... يعني تلاقي كل راعي سلطة يستفيد

من سلطة بشكل أو بآخر لفرض ميول عنده أو آراء ... ونادرا راعي السلطة ما يحاسب نفسه

أو ينظر بأفعاله هل هي تخدم الآخرين أو تخدمه بشكل أو بآخر ( إلا من رحم ربي ) , خصوصا إذا

قلت الرقابة والمحاسبة , وصدق المثل القائل : من أمن العقوبة أساء الأدب ..


المهم ...

قصتي كانت مع مدرس لأحد المواد , هذا المدرس مو صاحي ويفرض أمور على الطلاب بتزمت

على أساس إن هو المدرس وهو اللي كلمته تمشي ... أما الطالب فيرضى ويسمع الكلام

حتى لو كان في الأمر سعة , المشكلة إن أغلب الطلاب يشتكون منه , لكن أكثرهم ( خوافين )

نويت أشتكي عليه أنا وغيري لكن لما كلمت الغير الكل أعتذر ...

مرة من المرات دخل علينا وقال يالله أختبار , ونص الطلاب أعترضوا على أساس إن الوقت لم يتفق

عليه لكن هو أصر إنه صح , وطبعا كلامه هو اللي مشي , واللي زاد الطين بله إن أعطاني كنتيجة

للإختبار ( صفر ) من ثلاثين , صحيح إني ماذاكرت لأنه من المفروض إننا ما نختبر , لكني أستحق

( عشرة ) من ثلاثين , وأعطاني صفر وما سكت له وطلبت مراجعة الورقة لكن رفض وقال خلاص

نراجعها ... ( بس تحمل النتيجة !! ) ... قلت : طيب ماعندي مشكلة ..


مر كم يوم ... واللا يجيني مشرف قسمي بالكلية ويقلي يافلان العميد طلبك رحله بعد المحاظرة ! ...

رحت للعميد وأنا طبعا خايف بس واثق .... لكن قلت الله يعين على المشاكل والتعهدات اللي بآخذها !

وأنتم تعرفوا الإداريين عندنا والموظفين كيف معقدين ومتخلفين ( باسم النظام ) كيف أجل العميد اللي

نافخ ريشه واللي أسهل كلمة يقولها : خــــــــــــــــــــــــــــــــذ ملفك ! .


دخلت عليه وأنا شوي خايف .... طبعا مو منه أنا ممكن أضربه بمكتبه ما عندي مانع لو استحق الضرب

بتطاوله علي بكلمة أو حركة .... لكن خايف على مستقبلي ...


المهم دخلت .... أول ما دخلت ... سلمت وجلست ... وهو كان يكلم بالتلفون كعادة المسئولين الكبار ..

وفاتحته بالموضوع ( حشى زواج هو ) وقلته إنت طلبتني .... أنا فلان في قسم الإنجليزي ومشرف القسم

قلي إن العميد طلبك .... قلي : يــــــــــاولدي .... ممكن تذكرني بالموضوع ( الأخ يستهبل !! ... والله قلت

في نفسي هذا شكله مفوت ! ... بس أحسن هذه النوعية تمشيك .. مش زي اللي حافظ كل شيء وتاريخك

وحياتك .... وتاريخ موتك كمان ) ... المهم قلتله في مدرس كيت وكيت ...

قلي : ( وهنا كانت المفــــــــــــــــــــــــاجئة ) ..... قلي : ياولدي معليش طول بالك هنا فيه مدرسين مجانين

وعليهم حركات .... معليش طول بالك عليهم ومشي حالك ! ... وأعطاني سواليف حلوة ...

ههههههههههه ..... بعد هالجملة فكيت بقوة معاه .... وطلع إنسان خطير .... وسولفت معاه شوي ...

وفي النهاية كان هو أصلا مو طالبني بهالموضوع ولا أشتكى علي المدرس لما فضحته بالفصل , الموضوع

كان إنه يظن إن سيارتي موقفة في مكان خطأ ومحجوز عليها .... وماطلعت سيارتي !! ...


اللي أبغى أوصله من هذا الموضوع .... إنه ياشباب لا ترضوا بالظلم أو التسلط من بعض المرتزقة ... واللي

يكون موظف أو مسئول صغير وتلقاه عامل فيها إن المنشئة أو القطاع حقه .... ويخدعك إن اللي يسويه

هي قوانين متفق عليها وبأوامر المسئول الأكبر , وهي مجرد مسخرة هو اخترعها ... واللي خلاه يستمري

هو سكوت الناس عن أخطاءه ...


وبنفس الوقت ودي أوصل إن الشخص هذا ( العميد ) إنسان معدنه طيب ونادر , مش زي أغلب السئولين اللي

يظنوا إنهم فوق البشر , ويتعاملوا مع الناس بطريقة جافة وفيها تعالي .... مع إنك ممكن تكون أحس منهم

بمية مرة ...

فعلا أغلبهم هم أوغاد السلطة .... وسلطة الأوغاد ....



آسف على الإطالة وشكرا ...