معـذور قلبـي لو يضمـك بـ"جـوفه"

[شيخ نفسه]

السلام عليكم ورحمة الله وبركاته ،،

أسعد الله اوقآتكم .،

أعظم (وجع) بالحب لا صرت تشتاق ، لـاللي تحب ولا أنت قادر تشوفه!
يكويك جمر " داخل القلـب حـرّاق ، زود ٍعلى نـاره تهـدّك طيوفـه
لا مرّ بعيونك كمـا نـوض بـرّاق ، مالـك مجـال إلاّ تسايـر ظروفـه
ياصاحبي لو بينـي وبينـك آفـاق ، نفسي معك في كـل حالـة شغوفـه
ما كنت "قبلك" خلف الإحساس أنساق ، وإن شفت درب الحب أسكت وأطوفه
لين جاني منعطف سيـل الأشـواق ، بأمر الغرام اللي سطت بي سيوفـه
قاومت لكن ! خافي الحب ماطـاق ، صابه صمود ٍ زلزل أجزاء خوفـه
بغيت أردّه بس حسيـت بإخفـاق ، في لحظة ٍ"مـد" لـكفوفـك كفوفـه
جا لك ولا كنت أحسب الحب دفـاق ، لين أغرق الخافق وسال بـنزوفـه
أثْـر المحبـة نبضهـا دوم سـرّاق ، دمي وهو دمي بجسمـي تحوفـه
حاولت أداري حب قلبي بـالأوراق ، وأثْر الورق ماهي أمينـة حروفـه
سلّ المشاعر من متاهات الأعمـاق ، وأصبح يفسرّ كل وضـع بوصوفـه
يكتب تقارير الغلا وقـت الإشـراق ، وعند المسا يعطيك باقـي كشوفـه
يا"جامع" ٍ حنيّـة الكـون بأخـلاق ، معذور قلبـي لـو يضمـك بجوفـه

أتمنى ترُوق لكُم ،