مشكلتي مع الاتصالات السعوديه ... حياه أصعب

[شيخ نفسه]

بسم الله الرحمن الرحيم

الاخوه الاعزاء اسعد الله اوقاتكم بكل خير ،،،

اكثر الاخوان منزلين موضوع عن الاتصالات السعوديه ومشاكلهم انا رح اعرض لكم مشكلتي مع الاتصالات السعوديه

سددت فاتورت جوالي 845 ريال ومعي جوال ثاني اي شخص يتصل علي اقفل في وجهه واتصل عليه من الجوال الثاني المهم الجوال اللي كنت مسدده بـ 845 ريال ماستخدمه الا في الاستقبال فقط ارسال مارسل منه حتى لو رساله المهم بعد شهرين عيال اللذين مصدرين لي فاتوره 532 ريال هههههههههه راحعتهم وقالوا سدد وقدم اعتراض قلت والله ماسدد لو تموتون ورحت لهم للفرع وقلبت الدنيا عليهم قالوا خلاص نبي نسوي لك اعتراض لاتسدد لين يطلع الاعتراض المهم بعد اسبوعين ارسلوا لي

(( عميلنا العزيز .. نود إبلاغكم بصحه اعتراضكم وقد تم خصم المبلغ المعترض عليه ... شاكرين لكم حسن اختياركم stc حياه أسهل ))

والله هذي نص الرساله وتم خصم المبلغ واصدرو لي 60 ريال رسوم الخدمه اللي كل شهر 30 ريال ههههههههههه

انا لو اعرف اصور الشاشه صورتها وريتكم رسالتهم واتصل علي موظف يعتذر يقول ماعليش كان هناك خطأ في الفواتير والفوتره وحنا نعتذر منك قلت طيب لو اني مسدد رح تكتشفون الخطأ ذا ولا لا وجلس يتعذر

اليوم الثاني مسوي تصفيه وناقل جوالي بس باقي الجوال الثاني ابي انقله والى الان يقولون عندنا مشكله مانقدر ننقله لك