عقب الفقر حطت شريحه وجوال
عقب الفقر حطت شريحه وجوال
.........................يسعد مسا جوالها والشريحه
كانت تجيني تشتكي قلة المال
.........................وتصيح لاجا طاري الفقر صيحه
تقول ابويه دايم الدوم رحــــــال
.........................وأمي كبيرة سن دايم طريحه
وانت الوحيد اللي له القلب ميال
.........................دايم يصارحني وانا له صريحه
طفله وانا معشوقها بين الاطفال
..........................جريح حب وطاح له في جريحه
كنا سوا نرسم على التربه آمال
..........................وأحلام تقتلها الحياة الشحيحه
كم دمعة كانت على الخد تنهال
..........................واذا نزلت ضاقت على الفسيحه
الله كم صرخه ودمعه ومـــــــوال
..........................الله كم جادت علينا القريحه
الله كم بيتاً بنيناه يختــــــــــال
.........................واقول انا ضيدان وانتي مليحه
نخيل لو مافي السماء برق وخيال
........................ونكذب الايام لو هي صحيحه
تقول لاحطيت لك بشت وعقال
.......................وسخر لك الرحمن عيشه مريحه
اخاف تتركني على عثرة الفال
......................للفقر ووجيه الحيـــــــــاة القبيحه
وحبيتها بين الخلايق والازوال
......................حبا بطول الوقت محـــــــداً يزيحه
وسلمتها قلب تباريه الا هوال
......................وطاح الخفوق وطيحة القلب طيحه
راحت وخلتني مع القيل والقال
..................... شاعر صواديف الزمن تستبيحه
ودار الزمان وغير الحال بالحال
......................وجاها الزمان بكل ورده وشيحه
فله وخدامه ولكزس وجوال
.....................وانا عجزت ادفع رسوم الشريحه
سلام هاذيالشعر وانشاءلله انه نال اعجابكم
لا تبخلون ف الرد:67:
09-04-2009, 05:50 AM
عقب الفقر
العرض العادي
