قصـة ( متيم في هواء حبها)

[شيخ نفسه]

( متيم في هواء حبها:heart

(عائله أبو تركي)
أبوتركي_يشتغل بشركته وهو متواضع جدا ويحب ولده تركي بجنون .
أم تركي_متعلمه وحبوبه وجميله.

تركي_عمره 25وسيم جدا لونه اسمر وطويل وجسمه حلو ويشتغل مع ابوه بشركه

شهد_عمرها20جميله جدا شعرها قصير لونه أشقر وجسمها رشيق وكل من شافها انهبل عليها.

(عائله ابوماجد)
أبوماجد أخو ابوتركي ويشتغل معه بنفس الشركه محبوب لدى الجميع وزوجته متوفيه من15سنه ومن شدة حبه لزوجته ماتزوج بعد وفاتها

ماجد_جميل جدا وعمره 28يدرس بأمريكيا وكل من شافه أعجبه فيه ورمنسي حيل والبنات بس يلاحقونه.

عهود_عمرها22حليوه وبيضا مره وطويله ودبدوبه وشعرها طويل وأسود.

(عليا أخت أبوماجد وأبوتركي)
عندها 3بنات وولدين صغار نتعرف عليهم من خلال القصه

اليوم الخميس الكل متجهز بيروحون بيت أبوماجد لأن ماجد رجعى من أمريكا

(عهود تكلم شهد علشان تجي)

عهود: الو
شهد: هلا والله وغلا
عهود: الله نسمع الكلام الحلو بس اليوم
شهد: هاه(أرتبكت) لابس لأني رايقه
عهود: أها رايقه ولا.....
شهد: ولاأيش لايروح تفكيرك بعيد ياحياتي( وتلعب بشعرها)
عهود: ماعلينا لازم تجين الحين تساعديني
شهدسوت نفسها مادريت) اساعدك في أيش
عهود: أخوي حبيبي رجع البارح واليوم عندنا عزيمه
شهد: أوكي خلاص(جتها من الله)
عهود: يالله حبيبتي أشوفك لاتتأخرين باي
شهد: باي

راحت شهد تركض تضبط شكلها
شهد: ياربي ايش البس اليوم لازم أصير كشخه
أمها:ليش ياحبيبتي اليوم بذات
(أرتبكت لانها مادريت ان امها هنا)
شهد: هلا يمه لا أبدن بس اليوم في عزيمه بيت عمي أبوماجد وتعرفين قرايبهم واجد ولازم أغطي عليهم.

أمها: أها طيب لاتتأخرين عشان نروح بدري.
شهد: على راسي ياالغاليه.

لبست شهد تنوره ميدي وبلوزه سلك وزينت شعرها وحطت مكياج خفيف ولبست عدسات طلعت أستايل
تركي لبس برمودا وبلوزه كم قصير وتعطر وطالع شكله مع السكسوكه جنان
المهم نزلوا لأمهم وأبوهم كانوا جالسين ينتظرونهم وأول ماشفوهم بدا التعليق
( حشا رايحين زواج)
وراحو لبيت ابوماجد

(عندهم البنات مايتغطون بس يلفون طرح ويلبسون عبايات)

في بيت ابوماجد
عهود:مجود يلا قوم عمي بيجي وأنت نايم بغرفتي.
ماجد:آه عهودوه أتركيني أنا مانمت البارح وبعدين أذا جاء عمي ايش فيها نايم بغرفت حبيبتي أختي.
عهود: ياووه الحكي معك فاضي اروح أشوف شغلي احسن.
وأول مانزلت الا أبوها يناديها تجي تسلم على عمها
اختبصت لأنها مالبست ولاسوت شي وراحت تركض للغرفه وأخذت ملابسها وطلعت لغرفه ماجد لأنها ماتقدر تلبس منه
(لبست فستان ناعم لحد الركبه لونه موف بأبيض وحطت ميك أب وسوت بف وصار شكلها جنان)
وطلعت تسلم عليهم
عهود: هلاوالله بعمتي
أم تركي: هلا فيك يابنيتي
وسلمت عليهم
شهد: عهود وش الجمال هذا
عهود:انا من زمان جميله بس أنتي ماتشوفين
ضحكت عليهم أم تركي وراحت وجلست بالمجلس
وشوي ويجون الحريم والعمه عليا وبناتها رحبت فيهم أم تركي
البنات راحوا بغرفه ثانيه
شهد: عهود تكفين نبي نرقص
عهود: ليه أحد ماسكك قومي أرقصي
البنات:هههههه
سلمى: عهود ياكرهك والله حتى أنا ابي أرقص
عهود: أنزين ثواني اروح أجيب المسجله والأشرطه
تغريد: الله يبنات قد أيش مشتاقه للجمعه هذي من زمان
لولوه: أي والله صادقه خصوصا من بعد ماخلصنا دراسه
(طبعا سلمى وتغريد ولولوه بنات عمتهم)
عهود: ياالله هذا المسجل والأشرطه أرقصوا لين يطيح الي بروسكم
شهد: عهود حبيبتي أبي مرايه أبي اعدل عدساتي ضايقوني
عهود: لاوالله أيش رايك أجيبلك غرفت النوم كلها
سلمى: عهود علامك اليوم على شهوده ماتركتيها بحالها
عهود: طفشتني يكفي اخوي ماجد تجي أهي تزيدها

أول ماقالت عهود ماجد خفق قلب شهد وتقول بنفسها(ياالله أش كثر مشتاقه لشوفته)
طبعا ماجد يحبها من قبل مايسافر

عهود:خلاص ولايهمك ياشهوده روحي لغرفتي (الأخت نست ان ماجد نايم فيها) بس لاتسرقين شي من أغراضي
شهد: لاوالله ياكريهه أنا أصلا ماأمد يدي على شي مو بلي
بس اذا لقيت شي أعجبني ماني متردده
البنات:هههه
وطلعت لغرفت عهود
وأول مافتحت الغرفه شافتها ظلما وبارده وقالت غريبه المكيف شغال ودخلت بهدوء وشغلت اليت
شهد: والله مانتي هينه ياعهود كل هالعطور عندك وماتهدين
وقعدت تزين عدساتها وتغني وكان صوتها حلو مره وناعم

ماجد أول ماسمع الصوت فتح عيونه الاهالملاك واقف قدامه

ماجد: الله الزين جاي لحد عندي ماني مصدق
شهد:خافت ونظرت لباب بس ماشافت احد وقالت:
الله ياماجد من كثر ماأحبك قعدت أهلوس حتى بصوتك
ماجد: لاياحيات ماجد ماتهلوسين كاني أنظري وراء
شهدأول مانظرت وراء الا هالملاك الله ياماجد كبرت وحلويت)
أرتبكت لان ماعليها غطى وحمر وجهها وماجد قاعد يتمقل فيها وتدخل عهود لأن شهد تأخرت
عهود:ماجد وجع غمض عيونك
ماجد:هاه( الاخ مفهي)
شهد:تجمدت في مكانها وتناظر عهود لأنها ماتقدر تطلع
عهود:أخذت شماغ ماجد وعطتها شهد لأنها كانت على السرير ألبستها شهد وطلعت وعيون ماجد تلاحقها

عهود:مجود وصمخ وش فيك أحرجت البنيه
ماجد: عهود هذي شهد ماني مصدق لهدرجه حلوه
عهود: لايكون بس حبيتها
ماجد أخذ المخده وضربها وطلعت عهود وهي تضحك
نزلت تحت عند الحريم


شهد عند البنات وهي في عالم ثاني وحاطه يدها على قلبها وماسكه الشماغ
لولوه: شهوده وش فيك من نزلتي وأنتي سرحانه وبعدين وش سالفت الشماغ
شهد:هاه لامافيني شي وبعدين الشماغ عهود عطتنيها وبتجي تاخذها

ماجد أخذ شور ولبس وتعطر وقبل ماينزل تذكر كلام شهد وأخذ عطر من عطورات عهود ونزل علشان ياخذ شماغه

ماجد:عهود عهود وينك
شهد أول ماسمعت صوته أختبصت عهود ماهي فيه عند الحريم والشماغ معاها

سلمى:شهد أطلعي شوفي أيش يبي
شهد:اطلع بصفتي أيش
سلمى:عادي ولد عمك
أقنعوها البنات ولبست حجابها وطلعت وأخذت الشماغ وكان وجهها أحمر

ماجد:هلا والله بنت عمي
شهد: هلا ماجد
ماجد: كيفك أن شاالله تمام
شهد: الحمدلله
ماجد: أقول شهد أنا أسف ماكان قصدي أحرجك
شهد: لاعادي أنا اللي أسفه لأني مانتبهتلك
ماجد: أقول شهد أنتي كان نفسك بعطر من عطورات عهود صح
شهد: (أحمر وجها وماتدري أيش تقول) لا
ماجد: على العموم خوذي هذا مايغلى عليك
شهد: لا ماجد ماأقدر
ماجد: خوذيه بس أنا اللي جايبه لها
شهد مدت يدها بتاخذه ومسك يدها ماجد وسحبتها بسرعه وكانت بتدخل
ماجد: أقول شهوده منتي ناويه تعطيني شماغي
أبتسمت شهد ومدتها له أخذها ماجد وطلع
شهد أخذت العطر وحطته بشنطتها علشان عهود ماتشوفه
المهم تعشوا وبعدين كل واحد راح لبيته

شهد قاعده تفكر بالموقف الي صار معها
وماجد نفس الشي قاعد يفكر فيها وبجمالها مو مصدق

نروح عند تركي الي من جاء من العشاء وهو في عالم ثاني لأنه ماشاف حبيبته

عهود:قاعده تكلم( هاه حبيبي ليش ماجيت اليوم)
نايف: والله ياحياتي كنت مشغول وماقدرت أجي

نايف يصير ولد خالت عهود وهي تحبه بس هو مايحبها يجاملها وتركي متيم في حبها بس أهي ماتدري

عهود: نايف حياتي ايش فيه صوتك
نايف: لاأبدا بس تعبان من الشغل
عهود: خلاص حبيبي أكلمك بكره يله روح نام
نايف: أوكي باي
عهود: باي

نايف أوف وش هالبلشه خلني أدق على سلمى أحسلي
( نايف مره شافها وأعجب فيها وهي نفس الشي بس ماتدري ان عهود تحبه)
نايف: هلاوالله سلومه
سلمى: هلا حياتي
نايف: كيفك ان شاالله زينه
سلمى: الحمدلله أنت وش أخبارك وش مسوي في شغلك
نايف: كل شي تمام أقول حياتي ولهت عليك وايد وايد
سلمى: وأنا أكثر بس تكفى حبيبي لاتدق علي كل يوم لان ماأقدر أرد عليك أنت تعرف عاداتنا
نايف: لاياحياتي ماأقدر أصبر عنك يوم واحد
سلمى: ولاأنا ياقلبي بس أيش أسوي
دردشوا شوي وبعدين سكروا

تركي: شهوده حبيبتي ممكن أدخل
شهد: تفضل حياك
تركي: هاه عساء الروحه أعجبتك
شهد في قلبها أعجبتني وبس) أي تركي مره حلوه واستانسنا أنا وعهود وبنات عمتي
تركي: الا على طاري عهود وش أخبارها
شهد: تمام بس ليه تسأل
تركي: لاأبد ليه حرام الواحد يسأل وقام وطلع
شهد ماعطت الموضوع أهميه ورجعت تفكر بماجد

عهود(ياربي الحين ليش أنا أحب نايف وأهو مايعطيني وجه ليش لهدرجه ينحب)

ماجد: ألو
تركي: هلا
ماجد: هلا فيك فاضي
تركي: لامليان هاها
ماجد: ياخي ياشينك أذا خففت دمك
تركي: لاكلش ولادمي
ماجد: أقول أسمع أنا مشتاق أروح للفيصليه بكره أيش رايك
تركي: تسألني أنا أنا عادي وين ماتروح أروح معك
ماجد: ياقلبي
تركي: تراك نسيت نفسك تراء أنا تركي مو حبيبتك
ماجد:ياكرهك ياخي ياالله باي تركي: ههه بايات

الساعه 8صباحا
جوال تركي يدق
تركي: هلا
ماجد: صباح الخير
تركي: صباح النور خير وش عندك
ماجد: ليه نسيت موعدنا
تركي:لامانسيت بس الحين بدري
ماجد: ياخي مشتاق لرياض ودي أروح أتمشى
تركي:خلاص بعد خمس دقايق أذا ماجيت ابي أرجع أنام
ماجد: لالا ياخوي خلاص دقيقه وأنا عندك
تركي قام ولبس وكشخ ونزل عند أمه وابوه

تركي: صباح الخير ياأحلى وأغلى أم وأب في هاالدنيا أبوتركي وأم تركي: صباح النور
أم تركي: هاه وش مصحيك بدري واليوم مافي دوام
تركي: والله طال عمرك مجود طفشني
أبوتركي: خير ان شاالله علامه
تركي: لاأبدا يبي أطلع معه أتمشى وأن تغداء براء
ويسمع صوت بوري
تركي: ذكرنا القط جانا ينط عن أذنكم بروح
وطلع تركي وركب مع ماجد
ماجد: هلا تروك
تركي: هلا بك
ومشوا
ماجد: أقول تركي
تركي: هاه وش عندك
ماجد: هاه لاخلاص ولاشي
تركي:أنت اليوم منت بصاحي بس شغل شريط ل(راشد الماجد) خلنا نستانس أحسن من صوتك

عهود دقت على نايف بس مارد ودقت عليه أكثر من مره بس مارد وقررت ماعاد تدق عليه ويمكن بعد تنساه
(نايف قرر أنه يصارحها بحبه لسلمى وأنه مايحبها بس كيف يقولها مايدري)

دقت عهود على بنات عمتها
سلمى: هلا عهود
عهود: هلا سلمى كيفك ان شاالله تمام
سلمى: الحمدلله بس طفشانه ودي أطلع
عهود:ياقلبي أنا أصلا داقه عليك علشان كذا
سلمى: خير
عهود:ايش رايك نتفق أنا ونتي والبنات ونروح لمجمع.....ونستانس وخصوصا انا الحين في اجازه
سلمى: أوكي خلاص أنا ابي أقول لتغريد ولولوه وأنتي قولي لشهد
عهود: أوكي حياتي بعد العصر ياالله باي
سلمى: باي

عهود: ألو
شهد: هلا عهود
عهود: أقول شهود أتفقنا أنا وبنات عمتي أنا نطلع ايش رايك
شهد: أوكي ماعندي مانع بس مين بودينا
عهود: بنات عمتي يجون مع السايق وانتي أنا أمرك أقول لماجد يودينا
شهد ماصدقت على الله ان ماجد بيوديهم) أوكي خلاص

المهم الساعه 5راحت عهود وقالت لماجد
عهود:مجود حبيبي ابي أطلب منك طلب
ماجد: خير وش بغيتي
عهود:أقول ماجد قبل ماأطلب منك أنا فقدت عطري الي شريته لي وينه
ماجدأختبص) هاه وأنا أيش دراني أقول أخلصي وش تبين ولا أبطلع
عهود:لالاخلاص أبي أقولك
شوف حبيبي أنا طفشانه ونفسي اروح لمجمع(........)
أيش رايك
ماجد:تسأليني ليه امك ولا أبوك
عهود: مجود ياشينك أنا ابيك توديني
ماجد: هاها هذا الي باقي اوديك روحي عني زين
( وقبل مايطلع)
عهود: يعني وش أقول لشهد
(ماجد أول ماسمع أسم شهد وهو يوقف في مكانه)
ماجد: ليه وش دخل شهد في السالفه
عهود تنظرله بنص عين)شلون وش دخلها وهي بتروح معي
ماجدجته من الله علشان يشوفها) خلاص جهزي نفسك الحين أنا طالع شوي وراجع

عهود ماصدقت على الله راحت ركض ولبست ودقت على شهد
شهد: هلا عهود
عهود: هاه خلصتي
شهد: مخلصه من زمان بس أقولك بنات عمتي دقوا يقولون مرونا لأن السايق ماهو فاضي
عهود: ياربي الحين وش يفكني من لسان أخوي أهو ماوافق يوديني الا يوم قلتله أنك معي
شهد: ههه
عهود: أقول شهود كملي ضحكك بعدين ماجد قاعد يصارخ يله باي
شهد: باي
وطلعت عهود لماجد
ماجد: خلصيني
عهود: أقول ماجد بس اخر طلب
ماجد: أركبي وأنتي ساكته

راحوا لبيت عمهم وكانت شهد تنتظرهم برى وأول ماشافتهم راحت وفتحت باب السياره

شهد: السلام عليكم
ماجد وعهود: وعليكم السلام
ماجد: كيفك شهد
شهد: تمام الحمدلله
عهود:يالله ماجد خلي عنك السوالف وروح لبيت عمتي
ماجدمعصب) ليه ان شاالله أشتغل عند أبوك أنا
عهود: مجود حنا نبي نطلع كلنا وبنات عمتي ماعندهم احد
يجيبهم
شهد: أيوه ماجد ولي يسلمك
ماجد: خلاص علشان خاطرك ياشهد أبي اروح
عهود: ياعيني على الغزل
مشى ماجد وشغل شريط(صدفه ومن بين كل الناس علقني) وكان يناظر بشهد في المرايه ومبتسم
المهم أخذوا البنات وراحوا للمجمع ونزلوا البنات الى شهد كانت تدور جوالها الي ضاع بالحوسه

ماجد:خير شهد كنك تدورين شي
شهد:ايوه جوالي ماأدري وين راح
ماجد: أنزين عطيني رقمك وأدق عليه عشان تشوفين وين
شهد:أعطته الرقم(.......)
ماجدطبعا ماصدق على الله أنه أخذ الرقم) ودق عليه هاه شهد لقيتيه
شهد:تضحك سوري ماجد بشنطتي وانا ماأنتبهت
ماجد:هههه أنزين اذا بغيتو شي دقي علي ولاتخلين عهودوه تكلمني لاني ماودي أسمع صوتها
شهد: أنزين عن أذنك
شهد كانت بتنزل الا ماجد يناديها
ماجد: شهد
شهد: لبيه
ماجد: لبى قلبك أبسألك انتي متعطره من العطر الي عطيتك
شهدأنحرجت ولاتدري وش تقول)هاه أي ونزلت بسرعه
ماجد:آه ياحبي لها تجذب
وراح ماجد لشله

عهود: شهد وين رحتي كل هذي سوالف مع حبيب القلب
شهد تضرب عهود: لاسوالف ولاشي بس كنت أدور جوالي
عهود: اها مادرينا أقول بنات ايش رايكم نروح لهذا المحل أحس فيه أشياء حلوه
سلمى: اي والله صادقه
المهم راحوا البنات وشروا حجات خفيفه واستانسوا وبعدين جلسوا على طاوله
وقعدوا يشربون ويسلفون وتعليقات على الناس
ويقطع عليهم صوت جوال سلمى يدق
(سلمى وشهد راحن يناظرن فستان أعجبهن)
تغريد: أحلى ياسلمى منو هذا (حياتي بدونك ماتسوى)
عهود:وريني وأول ماشافت الرقم أنصدمت
تغريد: هاي عهود وين رحتي لولوه:عهووود-عهووود
عهود:هاه وش فيكم
تغريد: لاأبد مافينا شي
وجلسوا تغريد ولولوه يسلفون وعهود في عالم ثاني وأول ماجوا البنات قامت عهود وقالت شهد تعالي أبيك
(عهود كانت حالتها حاله وشوي وتبكي)
شهد: أوكي
وطلعوا برا المجمع
عهود:قعدت تبكي
شهد:وش فيك عهود
عهود: تكفين دقي على ماجد قوليله يجي
شهد: خير وش فيك تكلمي
عهود: مافي شي بس ولي يسلمك خوذي جوالي كلميه
شهد: أوكي خلاص

دقت على ماجد من جوالها
ماجد: هلا والله وغلا
شهد كان صوتها متغير) هلا ماجد ممكن تجي الحين لأنا نبي نرجع
ماجد: خير شهد وش صاير
شهد: لاأبد ماصار شي بس ولي يسلمك تعال الحين بسرعه
ماجد:أوكي باي
شهد: باي
جاء ماجد ووصلوا سلمى- وتغريد-ولولوه لبيتهم وكان الجو هدوء

ماجد: عهود خير وش فيك كأن أحد معطيك كف
شهد: ماجد ولي يعافيك أتركها شكلها تعبانه

وصلوا شهد ورجعوا للبيت وعهود ساكته

ماجد:عهود فيكي شي
عهود: لامافيني شي وراحت تركض لغرفتها وتبكي
(ماجد ماطاوعه قلبه وراحلها)
ماجد: عهود حبيبتي أناأخوك أفتحيلي الباب قوليلي أيش فيك أحد ضايقك
عهودوش أقولك ياخوي أقولك أن الي أحبه خاني مع أعز أنسانه) ماجد ولي يسلمك ماأبي أكلم أحد خلني بروحي
وأنهارت من البكاء
ماجد وهو طالع( ياربي ليش ماأدق على شهد وأسألها بس ياربي أحسها فضيحه وبعدين أنا وش دخلني وراح لأصحابه)
طبعا أبوه مشغول ولا يسأل عنهم

سلمى: لولوه أيش فيها عهود
لولوه: ماأدري دق جوالك وشافت الرقم وبعدين صار الي صار
سلمى حست بالخوف ياربي ليكون تعرف رقم نايف
لالا مستحيل بس ليش لا وأهو ولد خالتها
ياربي أيش أسوي لازم أدق عليها

سلمى: الو-الو
عهود:ولك عين بعد الي سويتيه تدقين
سلمى: عهود ليه أيش صاير
عهود: خلاص ياسلمى أنتهيتي من حياتي ليه تخطفين حبيبي وروحي مني ليه قوليلي أنا أيش سويتلك انا أحبه والله أحبه
سكرت عهود بدون ماتسمع رد من سلمى

سلمى: ياربي أيش فيها مين الي خطفت لايكون(....)
وتقعد تبكي وقالت لازم أدق على نايف وأفهم منه الموضوع كله
سلمى: ألو
نايف: هلا والله وغلا هلا في قلبي
سلمىوبدون مقدمات) نايف أبسألك سؤال وصارحني واذا ماصارحتني بيكون كل شي بيني وبينك منتهي
نايف: أفا ياحياتي هذا كلام خطير بس صدقيني أنا بكون صريح يله تفضلي قولي سلمى: تعرف عهود
نايف: عهود
سلمى: ايه عهود بنت أبو ماجد
نايف: أيه ايش فيها
سلمى: نايف لاتخبي شي أنا خلاص عرفت كل شي وأهي الحين زعلانه مني
نايف: عرفتي أيش تراء مافهمت لحد الحين
سلمى: نايف عهود تحبك وتموت عليك (وقالتله أيش صار) أنا لازم أطلع من حياتك
نايف: وش قاعده تقولين أصلا أنا ماأحبها ولا أبيها وأفكر أني أصارحها بس أهي ماعطتني فرصه
وبعدين زين أنهاعرفت من كيفها
سلمى: لايانايف عهود تحبك وأنا ماأقدر أخسرها
نايف: لاياسلمى لاتقولين كذا أنا راح أخطبك والي يصير يصير
توتوتو
نايف: ألو-ألو
سلمى قررت أنها تنسى نايف وأنها مستحيل توافق عليه لأن ماقالها الحقيقه من البدايه

وعهود قررت أنها تنسى سلمى وماعاد تكلمها
(نامت عهود وهي كلها هموم وأحزان وماتدري وش مخبيتلها الأيام)

ماجد: عهود-عهود ياربي هذي وين
راح لغرفتها وشافها نايمه وطلع لغرفته

تركي كان جالس مع شهد على التلفزيون

تركي: أقول شهوده وين رحتي اليوم
شهد: أبدا وين رحنا
تركي: تراء ماجد قالي كل شي( يقصد عهود)
شهد: (أنهبلت راح فكرها لبعيد) أيوه أيش قالك
تركي: ماراح أقولك وطلع وتركها
وبعد شوي وتجيها رساله
"كثير الشوق في قلبي عشانك والغرام كثير وكل الشوق ملكته بحبك الراقي"
وأول ماقرتها خفق قلبها وقالت الله ياماجد معقوله تحبني زي ماأحبك بس ياترى أيش قلت لتركي

المهم وقعدت تفكر برساله حلوه وماجد قاعد على أعصابه ويقول شكل هاالبنت معطتني وجه بس ياربي أنا سمعتها تقول" أحبك"
ويقطع تفكيره صوت رساله جواله
"أنت عمري لو فقدتك مابقى لعمري وجود وين أروح بكل حبي وأنت لأوطانه أمان"
ماجد قرر أنه يكلمها بس لسؤ الحظ راحت شهد نامت وقفلت جوالها دق عليها وكان مغلق وراح ماجد ودق على تركي

تركي: هلا مجود هاه وش عندك
ماجد: لاأبدا بس أيش رايك بكره تجي تغداء عندنا
تركي: والله ماهي شينه

وراح ماجد ينام وتركي قاعد يفكر بالغداء بكره وانه قرر يصارح عهود بحبه

الساعه 11ظهرا

ماجد: عهود-عهود وصمخ قومي
عهود:آه ماجد أتركني أبي أنام
ماجد: قومي بسرعه أنا عازم تركي قومي دقي على شهد قوليها تجي
عهود: لاوالله مالي خلق وبعدين أنت عازم تركي وش دخل شهد
ماجد: عهود علشان تستانسون مع بعض
عهود: اقول مجود وش وراك هاه ليكون...
ماجد: ايوه أحبها ومتيم في حبها براسك شي
عهود: لابس أقول وراى ماتخطبها وتفكنا
ماجد رمى المخده عليها وطلع ضحكت عهود وفي قلبها أحزان وهموم بس هي تحاول أنها تنسى وراحت وأخذت شور ودقت على شهد

شهد: هلا عهود
عهود: أهلين شهوده كيفك
شهد: تمام أنتي كيفك
عهود: أنا الحمدلله زينه أقول شهد ماجد يسلم عليك ويقول تعالي مع تركي على الغداء
شهد: أحلى وأنتي ماتعرفين تعزمين
عهود: لاعزيمت أخوي تكفي ياالله عاد بلا دلع
شهد: أوكي مانقدر نرفض لماجد شي بس أقول للوالده والوالد واشوف
عهود: هههه أنزين باي
شهد: بايات

أنزلت تحت وصبحت على أبوها وامها بالخير وجلست جنب أبوها

شهد: أقول يبه
أبوتركي: سمي
شهد: ما......قصدي عهود عازمتني على الغداء عادي أروح
أم تركي: وأنا ماني مليه عينك
شهد: أحلى يمه بدينا نغار بس أنا قلت أبوي ولازم أقوله أول شي وأعرف أنه ماراح يرفضلي طلب
أبوتركي: ولايهمك بس قولي لتركي يوديك
شهد: أنزين من عيوني وباست راس ابوها وأمها وراحت تلبس

الساعه 12صحى تركي

شهد: تروك حبيبي ابي أروح معك
تركي: وين ان شاالله
شهد: عهود عازمتني
تركي حس بالغيره ورفض
شهد: تركي حبيبي تكفى( وقعدت تحن على راسه لين وافق)
لبست شهد وحطت ميك أب خفيف وحطت من عطر ماجد وراحت مع تركي
وأول ماوصلوا الا ماجد واقف في الأستقبال
شهد: ياحليلك ياماجد
تركي نزل: هلا ماجد
ماجد ماعطى تركي وجهه وقعد يطالع في هالملاك الي قدامه
شهد استحت ودخلت داخل بدون ماتسلم عليه

تركي: ياأخ- هاه مجود وين رحت
ماجد: هاه لالا معك حياك تفضل
ودخلوا في مجلس الرجال وقعدوا يسولفون وبعد شوي دخل أبوماجد وجلس معهم

عهود أول ماسلمت على شهد
شمت ريحه العطر

عهود: أقول شهود من ويلك العطر
شهد: هاه من السوق يعني من وين صدق أنك فاضيه
عهود: من السوق هاه شهود تكلمي لأذبحك
شهد: تبين الصراحه بس بيني وبينك (وقالتلها السالفه)
عهود: ياعيني على أخوي بس يله أنتي تستاهلين أكثر من كذا
شهدوعهود طلعوا لغرفت عهود

شهد: أقول عهود أيش فيك امس ايش صار قوليلي أعتبريني مثل أختك قولي فضفضي
عهود: آه ياشهد انا أنجرحت من اعز الناس
وقعدت تبكي وحضنتها شهد

شهد: عهود حبيبتي تكلمي قوليلي
عهود: طعني بسكين الالم والقهر ومراح أنساها كرهتها وكرهته( وقالتلها السالفه)
قامت شهد بدور الام وخففت عنها وقالتلها كلام يخلي الواحد يرتاح
جلسوا شوي يسولفون وبعدين نزلوا تحت يتغدون

شهد: أقول عهود صدق الي عازمني ماجد
عهود: أي حبيبتي صدق لازم يشوفك كل يوم مايقدر يستغني عنك
شهد: هههه ولا أنا
ماجد كان وراهم وأهم مادروا

ماجد: ياربي حظي زين ما أجي الا على الكلام الحلو
شهد أنحرجت وقامت

عهود: هيه وين ماأكلتي
شهد: لا الحمدلله شبعت
وقبل ماتروح مسكها ماجد
لاياحياتي ماأكلتي شي تراء والله ازعل
شهد:.......
ماجد: وشفيك
عهود: ماجد وجع فك يد البنت
ماجد ماأنتبه انه ماسكها وفكها على طول وطلع
راحت عهود ومسكت شهد الي بغى يغمى عليها
دق تركي على شهد لأنهم بيمشون
طلعت عهود وشهد
تركي(ماهو مصدق أنه شافها اخيرا أهو يحبها حيل بس حيوي شوي مو مثل ماجد)
تركي: هلا عهود كيفك أن شاالله تمام
عهود: الحمد لله تمام أنت وش أخبارك
قعدوا يدردشون وماجد كان معاهم وبعدين مشوا

شهد كانت بغرفتها ويدق جوالها
شهد: هلا والله وغلا
لولوه: هلا فيك كيفك يالقاطعه
شهد: تمام وأنتي كيفك وكيف سلمى وتغريد
لولوه: لاتسأليني عن سلمى من بعد مارجعنا من المجمع وهي مسكره على نفسها الغرفه ولاندري أيش فيها
شهدقالت لولوه الي صار وعن حب عهود لنايف) بنفس الحظه كان تركي مار من عند الغرفه وسمع كل شي
أنصدم وطلع براء وأهو مايدري وين يروح ركب سيارته وقفل جواله وشغل شريط عراقي ( ما مرتاح قلبي يوم ودعك) يمشي بالشارع كأنه مجنون مو مصدق معقوله أنا احبها وهي لا ليش ياعهود ليش
وأنا الي اموت في حبك آه ياربي ليه حظي كذا

تأخر تركي مارجع للبيت خافوا أمه وأبوه بس شهد قالتلهم أنه معزوم

شهد: ياربي هذا وين راح
وهي جالسه تقلب القنوات الاتسمع تسكيرت الباب

تركي: وين أمي وابوي
شهد: بسم الله تركي وش فيك ليه وجهك كذا وبعدين أمي وابوي ناموا من زمان
تركي: أنزين أنا طالع لغرفتي
شهد: تركي-تركي
مارد عليها تركي وراح لغرفته فتح الدولاب وطلع ملابسه وحطهم في الشنطه وكتب كلام لأخته بورقه وحطها على المكتب وبعد ماسمع صوت باب غرفه شهد عرف أنها طلعت تنام أخذ أغراضه وطلع

لولوه: سلمى حبيبتي أفتحي الباب خلاص الي صار صار
سلمى: لا يالولوه أنا خسرتها والله خسرتها دخلت في حياتهم وأخذته منها
لولوه حاولت تهدي في أختها لكن مافي فايده
سلمى كانت تبكي بقوه وكان جوالها بجنبها وتجيها رساله

فتحتها من (حياتي بدونك ماتسوى)
"خلاص ياحياتي أنا أبجي بكره أخطبك وأرجوك ماترديني"
قفلت الجوال وطاحت على الارض وهي تبكي بقوه

الساعه 12ظهرا
أم تركي: ياشهد قومي- قومي شوفي أخوك وينه ماهو بغرفته
شهدأول ماسمعت طاري تركي تذكرت شكله البارح وقامت مفجوعه) خير يمه وينه
أم تركي: والله ماادري وين راح
شهد: طيب دقيتي عليه
ام تركي: جواله بغرفته وأبوك طلع من الصبح يدور عليه ولحد الحين مارجع
شهد: خلاص يمه أغسل واجيك

أم تركي نزلت تحت وماتدري أيش تسوي

شهد: طلعت وراحت لغرفه تركي واول مافتحت الدولاب مالقت شي خافت ليكون.....
وقبل ماتطلع لفت أنتباها ورقه على المكتب
أول ماقرتها صرخت وطاحت على الأرض وهي تبكي
جت امها تركض ولقت الورقه وقرتها وليتها ماقرتها
أغمى عليها ودخلت في غيبوبه

وأبوتركي اول ماعرف أرتفع معه الضغط وأصيب بجلطه بالمخ وتوفى
لان تركي ولده الوحيد وماقدر يتحمل فراقه طول العمر

سوى أبوماجد عزاء لأخوه وكانت شهد حالتها حاله وعهود وبنات العمه عليا يهدونها
(عهود بس تناظر سلمى نظرات حقد ودها تطردها)
طبعا اليوم المفروض يجي نايف يخطب سلمى بس بعد الي صار اجلها

وماجد صارت حالته حاله فقد عمه وأعز أصدقائه ومايدري أيش الي صار فيه

وام تركي قعدت بالمستشفي 3شهور بغيبوبه
شهد كل يوم تروح مع ماجد وعهود للمستشفى وكانت تدعى أنها ماتفقد امها مثل مافقدت أبوها وأخوها

بعد شهر بتحديد جاء ماجد ياخذ شهد وعهود لان اليوم موعد عمليه ام تركي ياتنجح ياتخسر

بالمستشفى الكل ينتظر خروج الدكتور
شهد وعهود قاعدين يبكون وماجد وأبوه يهدون فيهم
طلع من الغرفه سرير وعليه حرمه ومغطيه بشرشف ابيض ماهو طالع منها شي وكانوا السسترات يمشون فيها
شهد خافت وراحت تركض
شهد: دكتور أمي ايش فيها تكلم
وقف الدكتور وقعد يطالع فيها جاء ماجد وعهود ابوماجد عرف وطلع براء المستشفى

الدكتور: عظم الله أجركم
شهد صرخت صرخه كل الي بالمستشفى أسمعوها وطاحت على الارض
مسكتها عهود وضمتها وماجد مسك يدها وقعد يهدي فيها

ماأقدر أوصفلكم الحال الي وصلت لها شهد

وبعد سنه من المعاناه قررت عهود أنها تسأل شهد وين راح تركي وايش السالفه طبعا عهود مافارقت شهد من بعد وفاة أمها لأنها وحيده وشهد وحيده وكان ماجد كل يوم والثاني يروحلهم

عهود:أقول شهد
شهد: هلا عهود وش بغيتي
عهود: شهد ابسألك سؤال بس ارجوك لاتتضايقين
شهد: أمري ياعهود ماعاد في شي يستاهل أتضايق كل شي راح
عهود: وين تركي
شهد: .....
عهود: أنا أسألك قوليلي أيش صار
شهد: عهود أنتي غاليه على قلبي وماأقدر أخبي عليك أكثر من كذا
عهود:خير وش الي صار
شهد: تركي كان يحبك بجنون وكان متيم في هواء حبك واول ماعرف انك تحبين نايف تركلي ورقه بس قالي لاأحد يدري الا أنتي وامي وأبوي
وقال سامحوني ماراح أشوفكم تركي ضاع ياعهود وضيعنا معه
عهود: ماهي مستوعبه الي صار معقوله يحبني
شهد: ويموت عليك
عهود: الله ياشهد الي أنتي تحبينه يغدر فيك والأنسان الي بعمرك مافكرتي تحبينه يبيع أهله ودنياه علشانك

قعدت تبكي عهود وحست بذنب

جاء ابوماجد وطلب من عهود أنها ترجع للبيت لأنه يبي شهد بروحها
ماجد كان خايف ومتوتر وعهود ماتدري باالسالفه

أبوماجد: شهد يابنيتي
شهد: هلا عمي
أبوماجد:الحين مابقالك احد ألا أحنا وانا بصراحه أبي أضمن مستقبلك قبل لا اموت وهذي وصيت أبوك
شهد: من سمعت طاري الموت تذكرت امها وابوها
لاياعمي بعيد الشر عنك
أبوماجد: يابنيتي أنتي تعرفين ان ماجد يحبك من يوم ماكنتوا صغار والحين أنتوا كبرتوا وأهو بصراحه يبيكي تكونين زوجه له هاوش رايك
شهد:....عمي ماجد ولد ماينتعوض وانا بصراحه مالي غيركم
أبوماجد: يعني الي افهمه انك موافقه
شهد:وأهي تناظر تحت
أيوه موافقه
راح أبو ماجد وقال لماجد وعهود وماجد ماصدق طار من الفرحه
وتم زواجهم على خير وعاشوا أحلى أيام حياتهم

وفي يوم من الايام جاء نايف عند عليا
نايف جاء لوحدوه علشان ماعنده ام ولا أب وكان بيخطب


العمه: خلاص ياوليدي اشاور البنت وأردلك خبر
نايف: من حقكم بس متى تردون علي

قبل العمه ماتكلم نزلت سلمى

سلمى: نايف أطلع برى أنا ماابيك أطلع برى وصدقني لو مايبقى الا انت ماراح أخذك
نايف:سلمى أنا أحبك والله احبك
سلمى: نايف لوسمحت أطلع وانساني لأني لو ايش يصير ماراح اخذك أنت فاهم

وطلع نايف وأهو معصب وكان يسوق السياره بسرعه جنونيه وصار اللي ماكان أحد
متوقعه تجمعوا الناس
الحادث كان مأساوي لدرجه أنه ماهو مبين وجهه أختفت ملامحه القزاز كان على صدره أرجوله تكسرت كل شي فيه أنتهى

عهود حست أنه صار شي راحت تركض لغرفه شهد
عهود:شهد-شهد
شهد:خير عهود وش فيك
عهود: ماأدرى احس أني متضايقه
شهد: بسم الله عليك خلينا ننزل عند ماجد وعمي
نزلوا البنات تحت
ماجد: حي الله الغاليه تعالي أجلسي بجنبي
شهد:أنحرجت وجلست بعيد شوي
عهود جلست جنب أبوها وهي كانت خايفه بس ماتدري ليه

وبعد شوي ويدق تلفون ماجد
أبوماجد: مين هذا الي داق عليك الحين
ماجد: والله ماأدري رقم غريب بس ابرد
ماجد: ألو
:أنت الأخ ماجد ال(....)
ماجد: اي نعم خير أخوي وش بغيت
:قال لماجد السالفه
ماجد: لاحول ولاقوه الا بالله
وقعدت تدمع عيونه
(راحت عهود تركض)
عهود: ماجد تكلم وش صار
شهد: ماجد الله يخليك قول وش صاير
ماجد: ن ن ن نايف
عهود: وش فيه تكلم
ماجد: نايف صار عليه حادث مروع وتوفى
عهود: لا
شهد وأبوماجد: قعدوا يبكون

عهود: عرفت السالفه أنه راح
خطب سلمى بس رفضت وصار عليه حادث

عهود: ليه يانايف تسوي كذا خسرت دنياك وخسرت كل شي

وسلمى كانت شي ثاني أندمت أنها سوت كذا وقعدت تصدق عنه وتدعيله في الصلاه

عهود: يبه ودي أسافر أغير جو
ابوماجد: خلاص يابنيتي أهم شي سعادتك بس وين بتروحين
عهود: يبه أبي اروح فينيسيا
مشتاقه لها مره
أبوماجد: على خير بس قولي لماجد يضبط أوراق السفر

شهد: ماجد قوم أنا تعبانه ابي أروح للمستشفى
ماجد: خير ياحياتي وش فيك ليكون.....
شهد: يمكن ماأدري

راحو للمستشفى

الدكتوره: مبروك ياأخت شهد أنتي حامل
ماجد:حامل ياالله يعني أبي أصير أبو ماني مصدق
ورجعوا للبيت وأهم طايرين من الفرحه

وبعد أيام عهود سافرت مع صديقاتها ويوم من الأيام طلعت عهود تتمشى على البحر
وكانت لابسه بنطلون اسود وجكيت احمر وكاب أسود وهي قاعده تتمشى لمحت شخص كأنه تعرفه جالس على البحر خفق قلبها بعدين قالت لا أهو ماراح يرجع مره ثانيه
وقربت منه وأول مانظر ورى ماصدق
:عهود لامستحيل
عهود: تركي
وركض تركي ومسك يدينها وقال
تركي: انتي عهود
عهود: ايه يا تركي أنا ليه تسوي فينا كذا ليه
تركي أنتي الي ضيعتيني ياعهود أنتي
عهود: أنا اسفه ياتركي بس مادريت انك تحبني لهدرجه
تركي: خلاص الي راح راح بس لاتتخلين عني مره ثانيه

ومسك يدها وراحوا يتمشون على البحر وهم في قمت السعاده

لن يحلل ناقلها بدون ان يذكر اسم كاتبتها وليتأكد بأن الله يراه

(:heart:مع تحيات الكاتب:heart
kla$hnkoof