×x×اشــجــع خبــر×x×

[شيخ نفسه]

طالمــــا غبــت عن هــذا القســــــــــــــــم

ولكنــي عــدت وكلــي فخر

اننـــي احمــل بين يــدي لوحه وفـــاء لا تعادلهــا لوحــــة

فحروفهــــــــــا نقشت بذهــــب عيار اربــ"24"ـــــع وعشريــــــــن

لــن اطيــل بحروفــــي ،،، لانــي حقا لن اجــــــــــــد حروف تناســــب شاعر بحجــــــــــــــــــــم

الجبـــــــــــ((بدر سعـود الظاهري))ــــــل


قصاصة القصيدة

جريدة الرياض

الثلاثاء

18/09/1430



ياراعي الرأي المحنك سلامات

تمطر على راسك سلامه سلامه


ما انته بحاجة يا محمد حراسات

حارسك ربي .. وأنت راسك مقامه


عالي مثل روس الجبال الطويلات

العز فوقه .. والشجــاعه أمــــامـــه


ما طالته هاك اليدين القصيرات

القاصره عن الولاء والشهــــامـــــه


جالك دخيل وزابنك أنت بالذات

وفتحت له بيتك بحب وكرامه


على سلوم أهل اللقاء والمروات

هذي سلوم جدودك أهل الزعامه


جالك وهو ماحط ظمن الحسابات

اللي يشوفك ما تشيله عظامه


شافك ولا عادت حموله صغيرات

كبرت وخانه يا محمد حزامه


أشجع خبر بثته كل المحطات

من راسك لـ راس المليك وسلامه


يا عل راسك للوطن والمهمات

مرفوع هــامه .. وانت مرفووع هامه


عليك من نايف رسوم وعلامات

متشربن نايف علامه علامه


اللي سهر ليله على الأمن مابات

لين أمنه وأهداه ذورة سنـــامه


لا قلت نايف : يصهلن الأصيلات

صاحب سمو شيخه ورفعه وقامه


لا قلت نايف : خذ من الحكمه وهات

خذ ما تبي : من فعله ليا كلامــه


لا قلت نايف : يسهلن الصعيبات

لين الوطن يحلو بـ نايف منـــــامه


نايف ونايف لو تطــول العبــــارات

ما وصلته لـو هي تمـــوت بـ غرامه


هذا وأنا شاعر جبل وين ماجات

يشمخ كما يشمخ طويق وتهامه


العام مثل موطنه بالإمارات *

وأول قصيده عن وطنه وإمامــــه


وأخر قصيدة بأبو متعب والأبيات

ترفع لـ بو متعب براس العدامه


لي يا وطن وقفه ولك معي وقفات

ما أبيعها , لــو باعها " ابــو دلامـــه " !!


ما بعد راية موطن العز رايات

ولا أرخصتهــا , وراســـي عليه العمامه



* قصــده بالعام هو تمثيله للملكة ببرنامج شاعر المليون النسخه الثانيـــة ...



للجبـل : بــدر الظاهري ...