صور اخر رحله الي وعدتكم

[نوماس]

بسم الله الرحمن الرحيم

السلام عليكم ورحمة الله وبركاته

اول شي اسف ع التأخير والحمدالله اليوم استجمعت قوي ونزلت الصور

طبعاً مقناصنا هذا بالمنطقه الشرقيه ورى النعيريه يوم الاربعاء والخميس

وكان معي الدايفنك & البوديقارد


وهاذي صورة اول ليله طبعاً مو ضبان يالحمة حاشي يلحمة طلي مو مهم ضبطها الدايفنك



طبعاً وانت طالع البر لازم ضيوف زارونا ضيوف كثار وصورة واحد لكم




الصورهـ التاليه صبح الخميس بعد الفطور شلنا العفش بالجيب وبدايت الصيد




كانت فيه هوا والجو غبار وهواء وماصدنا الا ضبين الضبان ع روس جحارتها ومن تشوفنا تدخل جحارها ماهي هي ياولد وهالحين الساعه 10 وضبين




يذكرني بصورهـ لضب بكتاب العلوم





اعجبني الضب الاصفر ماسكهن البوديقارد طول الوقت ماسكهن خايفين يفركن الى الان ماصدنا الا ثنيان





بعد الساعه عشر قررنا مادهمتهن في بيوتهن عقاب لهن . ليه مايطلعن وخلنا نمسكهن دهمنا ثلاثه ومسكناهن هالحين ضمنا الغدا




والحمدالله من الساعه 12 الى 2 صدنا 37 ضب قولو ماشالله بسعتين 37

والصورهـ التاليه شوفوني قوي اذكي الضب والي مايطوع امه





مجموعة من الضبان بعد تذكيتهن







بعد فري بطن الضب وتنظيفه حبيت اوريكم خلب الضب وهذا يدل ان الضب سمين ولذيذ






بعد تنظيف بطنه وقطع راسه واطرافه قمنا بسلخه





وهذهـ عدت ضبان مسلوخه . بنسبه للبنات الي تبيلها عكه ترى عكيكة الضب مافيه احسن منها




لحم الضب بعد سلخه وتقطيعه وغسله





الخلوب بعد تجميعها وغسلها






مايدينا ع الغدا وخليناها عشاء طبعاً مرينا ع نياق ( الابل) واحد من الربع وجلسنا وتعشينا الضبان معه . وحلب لنا بشاير وصورت بشاير بس الصورهـ المغرب مو واضحه







هنا اثناء حلب الناقه (( بشاير))






وهذا الحليب الي درعنا فيها لين طاحت روسنا => درعنا اي شربنا





وهينا الدايفنك اثناء التكشينه والكشنه بزيت الضب بالخلوب






العشاء جاهز





العشاء بعد غرفه في الصحن حبيت انكم معنا لان الغداء زاد بس يالله الجيات اكثر







وبكذا انتهت الرحله بعد العشاء سرينا
ارجو ان تنال استحسانكم


تشكرااااااااااااااااتي
نومااااااااااااااااااااس

 

 

[الورده الذبلانه]

هذا رررررررررررررررررررررعب

والله ماقدرت اكمل الصورة

حاسه كاني في فيلم رعب

الشي الاسود هذا عقرب

ماتخافوووو منه

انا من اليوم بناديك البطل الخارق

يعطيك العافية

ولي رجعه مع الصور

 

 

[قصيميهـ]

نومااااس

وش ذا حومت كبدي

احس اني خلاص بتنسد نفسي عن الاكل اسبوع من هالصوور

نفسيتي من حينها زفت اليوم وجيت انت وكملتها

تكرم النعمه

وش لون تاكلونه

ما اكلنا لحم حاشي ناكل الضب

الله يهديكم بس

ولاعاد تتعودها مره ثانيه

 

 

[ورد جوري]

سؤاال.

زااكي الضب...؟؟؟؟


<<بطلت اتغدى من اللي شفته
انتم مجرموووون




اهم شي انكم استانستووو واكلتوو من صيد ايديكم..



يسلمو نوماس على الصوور

 

 

[FhoOody]

نومااس شف ياحبيبي طلعتكم فله وصيد ضبان وونااسه بس اكلهن لا والله هاذا الي ماطرا

تصدق عاد انا مو راعي بر توي دريت اني اميل لطلعات البحر

منادي ياخي مدري ليه طرا علي ابو غاليه يوم طلعنا معه بحر ماودك تعيد الكره ^_^

تشكورااتي نوماااس ع الصور

 

 

[نوماس]

خخخخخخخخخ

اوما البطل الخارق

لازم تكملين الصور وتعطينا انطباعك عن الصور

قاعد اعيد اشوف الصور مرهـ ثانيه احس اني منزل صور غير

ماكو رررررررعب

عاد تبين الجد نفسي كم وحدهـ بالمنتدى اني ادخل عليها ضب اعلمها ان الله حق

يسلمو الوردهـ ع المرور العطر

تشكرااااااااااااتي
نومااااااااااااااس

 

 

[عيوني حزينه]

المشاركة الأصلية كتبت بواسطة نوماس;
[SIZE=5

عاد تبين الجد نفسي كم وحدهـ بالمنتدى اني ادخل عليها ضب اعلمها ان الله حق [/SIZE]

< تقول يارب مايقصدني

نوماس ترااا أنا أعزك >> [mark=#FF99FF]خافت هههههه[/mark]
أول شئ أهم حاجة إنبسطتوا يالغلا في طلعتكم مدري الكشتة والله ماعرفش ^_^

[mark=#FF6699]نروح ثانياً وهو الأهم [/mark]

إحساسي وأنا أطالع الصور

نوماس تبي الجد صار ودي أذوقة من كثر ماتحكي عن الأخ المحترم السيد ( ضب)

< لاتصدقها

باللهي وش تحسون بوووة وإنتوا تاكلوه

مثل ماقالت الوردة كأنة عقرب يامامي < بدينا في الدلع هههههه

لالا أنا بقول الصراحة لان اللي يكذب يخش النار

صراحة إحس طعمة حلووو ،، بس هي المشكلة مسألة تعود

يعني إحنا ماعمرنا أكلنا منة وأصلا ماعمري شفت صور للضب إلا في كتاب العلوم >>
[mark=#99FF99]
من شان هيك أكيد ماراح نستسيغ طعمة
[/mark]
وكمان إحنا أهل جدة حدنا البيك وتجيك الدجاجة مدلعة ومتكشخه وجاهزة للهجوم ههههههه

لذالك يانوماس أنا كلي رجاء ماعاد تصور لنا هذي المجازر

لاتنسى المنتدى فية بنوتات مايتحملوا بتاتاً البتة

::





^

^
تكفى لا

ماأتحمل أنا ههههههه

وشفية الأخ مرتز


نوماس عوافي يالغلا وأهم شئ الوناسة والضبان وحب الوطن


[mark=#FF66FF]تحياتي لك ..[/mark]

 

 

[دلوعة نجـد]

نوماس .. اهم شئ استانستوا
وصحيح ان الضب حلال ..بس والله ان النفس تكره
والحمدالله علي سلامتكم ..من العقارب والزواحف
دمت بعافيه

 

 

[خانتني ...الدمعه]

نومااااااااااااااا س اول شي تسلم ومشكور على الصور ...

وبعدين ترااااااااا والله بطني صار فيها حالة انهيار وكره للطعام<<الحمدالله

هذا كيف تاكلونه؟؟ اصلا من البدايه كيف تمسكونه ؟؟ ولا لا لما تقطعونه وتنضفونه ماتعافون ؟؟<< الحمدالله



سديت نفسي ..<<الحين احلم فيه ياماما
وي منك ياشرير <<هذي اللي باصكها عند الدلع..

وبعدين صادقه خرافيه لاترعبنا وتجيب هالصور وخاصه انه فيه من اهل جد اللي تجيهم الدجاجه مدلعه..<<لاترعبهم

وتسلم على هذا الموضوع اللي يرينا (الضب ) ولي اول مره برا كتا ب العلوم

المهم :::بالعافيه عليكم

 

 

[الآحسآس الخجول]

مشاء الله فــــله الرحــله

بس فيه عقآرب

ما تخآفون منها !!

وصدتوآ 37 ضب بسآعتين مشاء الله عليكم^_^
بس ليه ماجبت لي وآحد من هالضبآن.. طبعآ من شان العب معه واتسلى فيه ..اما اني اكله لا مسسستحيل

وآهم شي انكم انبسطتوآ في الرحـــله

يعطيك الف الف عآفيه نومآس ع الصور الروعه

تح ــيآتي لك