أبكي وعيني تسهر الليل يا ريم.......!!

[شيخ نفسه]

أبكي وعيني تسهر الليل يا ريم ..........مدري بلاها الشوق ولاَ الظليمه

يا ريم دمع العين مدري على الريم ........ ولاَ على قلبن تواكل صميمه

تقول لا طمني على نونها سيم........... أبكي وعندي لأزرق الدمع قيمه

ويمكن يكون الدمع للعين تكريم .......... ويمكن يكون إلْها عذاب وحريمه

والله يا لو لا دمعة كأنها الديم ........... راحت ضلوعي من عذابي حطيمه

ودام البكاء يا ريم ما فيه تحريم .......... ياعنـك والله لأرخص الدمع شيمه

وأبكي على حالي من الوجد وآهيم ..........لين الزمن يخلف عليه نسيمه

أبكي حياةٍ صافية ما بها غيم ............. وين المحبة والقلوب السليمه

أبكي قهر وأبكي من الغبن والضيم ......... وأبكي من طعونن بقلبي قديمه

غدر الزمن خلَى بوجهي مراسيم ........... وما يذبح الرجال غير الهزيمه

بعض المصائب شرها يآكل الهيم ........... وشلون بكبود الرجال الكريمه

وبعض المصائب يخلفن المفاهيم ............ تبغى على ما قيل صبر وعزيمه

مظلوم بالدنيا وغيري مظاليم ............. من عرض ناس لبسوهم جريمه

ما عاد أبي من سود الأيام تعليم ..............عقب العذاب إللي كلاني جحيمه

ولو تصفي الدنيا علَي الملازيم .............. ما عاد أدور من وراها غنيمه

وسلامتكم:16:

راااقت لي...