أصغر من الهقوة

[شيخ نفسه]

أصغر من الهقوة





شاعرنا المدهش عايض الظفيري عندما تقرأ له قصيدة تشعر بأنك تسمعها منه مباشرة .. يصافحنا بهذا النص الرائع



اللي كلا لحم أخوه بحجة أنه يمون
لا يامن الحجة اللي لا حضر غابت
اخرجت كفي بياض بغير سو .. اش يبون؟
مديتها للسلام .. كفوفهم عابت !!
ياما من الحكي في صدري يموت مغبون
ومبهرين الكلام ادلالهم رابت
طعّانتي بالظهر ، ماهم كفو يفرحون
ولا التفت لو سهم «جسّاسهم» صابت
هذا ظلالي وسووا به على ماتبون
يامن عن ادناة فعل ، أقوالهم نابت
ما مت يوم ان صدري مشرّع للطعون
ومن «قردهم» كل طعنات الصدر طابت
صغار لو انهم باعمارهم يكبرون
اصغر من الهقوة اللي دونهم خابت
باكر ليامن تلاقن بالعيون العيون
ما رف لي جفن يوم جفونهم هابت
مبطي وانا ادري بخلاّن الرخا يرتعون
باوراقي الخضر لكن الجذر ثابت
الشجرة الطيبّه تذري وهم يعرفون
واوراقها من لهيب الشمس قد ذابت
ما تسأل المستظل بفيّها من يكون
العابرين استفيّوها ولا ارتابت
والمومس اللي توضا كل صبح وتهون
صلت ولكنها صلّت ولا تابت!!