جدار الطين

[شيخ نفسه]

تحية طيبة

لاحد يلومني في شاعر الجيل

شاعر البدايات


عوض القطياني



على ذاك الجدار الي على حــــد البيوت الطين
وقفت وهاجس الذكرى نفض في قلبي غباره
وقفت اطلق مدى شوفي واناظر مفرق الدربين
اشوف الـــدار وعيوني تضم الـــدرب وجداره
اجــل هذا الجدار الــي سهر يــوم العرب غافين
اجــــل هذا الصديق الي ذكرته واذكر اسراره
انــا اذكــر يــــــوم يجمعنا يغطينا برمش العين
نسج لـيـله وسوى بـــه على عشاقه استاره
حجر لكن احس انـــه يـــحـــس بفرحة القـلبيين
احس انـــه نفس لكن غدى جامد مـــن اقداره
حجر يــوم العرب تنسا اذا مــــرت عليها سنين
حجر يـــوم العرب تنسى حبيب مـبـعـده داره
ولكن الجدار الي تــركته مــن هــذاك الـلحين
عرفني يوم قابلته وبــلــل دمعــي حــجــاره
جلست وهاجت الذكرى وقلت بخاطري مسكين
ثـــمــان سنين في وحــشـه ولحد بيننا زاره
وفـ ذاك المكان اثبت بأن الادمي مــن طــيــن
تــخــيــل يـــــوم لا مسته تنهد من شقا ناره
سألني وقال انا اذكركم تجوني بالضلام اثنين
بكيت وقلت صدقني رحـل وانقطعت اخباره