عز الله اخطأ من مسميك رجّال ...

[شيخ نفسه]

جاني يعايرنـي بقولـه: " فقيـره "
قلت الفقر ماهوب فـي قلـة المـال


الفقر هو نقـص العقـل والستيـره
واما بغيره يـا"..فلان.." نستـر الحـال

قال: وعلى فقـرك وكنـك اميـره
تحكي بعز وتمشـي بفخـر و تختـال

قلت: ايه وازيدك من البيـت غيـره
الله عطاني مـن عطايـاه مكيـاال

وش هو له امشي في حياتي /كسيـره/..
مادامني من خير ربـي انـا اكتـال

مـادام مايسجـد جبينـي لغـيـره
اللي خلق ارض وسمـوات وجبـال

اللي حباني نـور عيـن وبصيـره
أميز يمين الخطـاوي مـن شمـال

مانـي قليلـة فهـم مثلـك غريـره
أمشي عدل واميـل للوقـت لامـال

ماغرني صوف الزمـان وحريـره
ومهما يضيق الوقت فيّاأبا احتـال

وكانك تعايرنـي بقولـة " فقيـره "
بقول شي(ن)صعب اشـوي ينقـال

صحيـح املاكـك عددهـا كثيـره
صحيح تلبس غتره وثـوب وعقـال

بقول لك كلمة ولـو هـي كبيـره:
عز الله اخطأ من مسميك رجّال!!!!!