تعـــــــــــــــب

[شيخ نفسه]

تحية طيبة

هنا لي كلمة
ياهيه ماكل الليالي تساهيل..وش لذة الدنيا بليا معاناة



وهنا قصيدة لااعرف لمن لكنه مبدع

تعبت من القصيد .. من الجروح .. من إنتظار طال
تعبت أستقبل طعون الزمن .. وأربت على كتفه
تعبت من الكلام .. من السكوت إللي يهد الحال
تعبت أكثر من الحزن الذي ماينتهي عزفه
تعبت من الوعود .. من الصديق الطيب المحتال
تعبت أعرف كل إللي تعرف الناس بالصدفة
تعبت من العدو إللي عجز يدخل معي بقتال
تعبت من الظلام إلي قتلت .. ولا لقى حتفه
تعبت أسأل من المخطي .. تعبت أردد الموال
مادامك ما سقيت الزرع..مالك حق في قطفه
تعبت ألقى الجواب المقنع إللي ماعليه جدال
تعبت ألقى طريق ما يكون بآخره شتـــــــفه
تعبت أضفي على الصوت الحبيبة وردتين وشال
تعبت أسمع صدى شامت يردد طاحت الغـــــدفه
تعبت أغازل البسمة على ثغر البكا تختـــــــــال
تعبت أشوف شوفي ينهزم رغم على أنفــــــــه
تعبت أجامل أيامي .. ولو ورتني الأهوال
تعبت أقول عن حمل ثقيل.. أتفه من الأتفه
تعبت أهز راسي غيظ .. وألقى في يدي أغلال
تعبت أسير خلف الوهم .. لو غيري ركض خلفه
تعبت أشد وأنزل ما ظهر لي طيب المنزال
تعبت من الدروب إللي مشيت وكلها صلفه
تعبت أرسم حروفي شمس .. وألمح بالوجيه ظلال
بعض ناس تعرف النور .. بس تقول ما تعرفه
تعبت .. وقلت كل إللي أظنه "يافهد" ينقال
تعبت أبغا ألقط أنفاسي .. إذ لابد من وقفه