أعاهدك باللي فرض حجة البيـت

[شيخ نفسه]

أعاهدك باللي فرض حجة البيـت
مجفاك لو قبـري يشيـد ترابـه
جاني خيالك في منامي وفزيـت
وهلت دموعي مثل وبل السحابـه
ياما على شوفة خيالـك تمنيـت
عزاه من جـرحٍ بقلبـي لجابـه
وياما من هموم المحبـه ترويـت
والقلب زاد من الهمـوم إلتهابـه
وياما وياما من جروحك تداويـت
لاشك جرحك مايفيـد الـدوا بـه
وياما وياما بعالي الصوت ونيت
على الذي ماعاد يبـري صوابـه
ماينفع المجروح كثـر التناهيـت
جرح الهوى ياويل قلـبٍ لجابـه
كم من جروحٍ بالهوى منك عانيت
وجرحك بقلبي كل شخصٍ درابـه
أفرح ويطرب خاطري كل ماجيت
وقلـبٍ تولـع فيـك لا واعذابـه
قالوا تمـن قلـت ياليـت ياليـت
ألحق هوى اللي تل قلبي وغدا به
في مرقدي كني ندهتك وصديـت
ارحم جريحٍ صاح من حر مابـه
وجرحي خطيرٍ مير كاني توفيت
أمانتـك قبـري تـزاور ترابـه






ابيات اعجبتني
حبيت انقلها لكم
اتمنى تنال رضاكم