//\\ .. اِختي .. //\\

[شيخ نفسه]

مـدخـٍل ~

أقدر أحب
.. آسف
أقدر أمثل لك مُحب
.. آسف
أقدر أخلّي دنيتك تمطر / هيام
وأقدر أعيش بغرفتك بين الوسادة والسرير
وأطلع كذا مثل السهر .. وأداهمك في كل حين
أقدر .. والله أقدر
بس البلاء ما أملك بحر
لا ولا شاطي ولا حتى رصيف
ما أملك نهر
لا ولا جغمة ولا قطعة رغيف
في هالزمن أملك اِثنين
قناعتي / بسوق النحاس
وركضي ورى خبز التميس
وما دام يسمعني / فهد
ما عاد أحتاج لأحد
( صدقيني ) إني اِخترت الخيال
لي ثمان سنين عايش بالخيال
لي ثمان سنين أقصد للخيال
.
.

//\\ .. اِختي .. //\\




يمكن أحد / يوم الأحـد .. سـب / سبتـي
وأثنى على اِثنيني .. بعد ما غفـى .. قـام
كـم وحـدةٍ صدمتهـا بكلـمـة / اِخـتـي
من عقب ماني " بعقلها " / ( فارس أحلام )
أدري بقولي ذا / ( توّشحت بشتـي ) .. !!
لكن / هدمت " بقلبها " كل ( الأصنام ) .. !!
حمامـةٍ يـا أخـوك طـاحـت بطشـتـي
رفعتـهـا وحطيتـهـا فــوق الأكـمـام
نشّفتهـا .. ولا قلـت ليـه إنخمعـتـي ؟
.. طلبت منها تلحـق الصقـر لا حـام ..!
قلت : اِسمعينـي ثانيـة .. لـو سمحتـي
قبـل نخـوض الحـرب ونغـز الأعــلام
أنـا وراي أوهـام وهـمـوم .. وإنـتـي
.. إنتـي وراك أيضـاً .. همـومٍ وأوهـام
أزيــد وإلا " يالأصـيـلـة " فهـمـتـي
إرمـي لثامـك مـا علـى " خيّـك " لثـام
أنـا أبـيـك لـيـا بطشـتـي بطشـتـي
أنا أبي إليا صحـى خافقـك .. \ .. نـام !
أنـا أبـيـك أكـبـر ومهـمـا كبـرتـي
أكبـر معـك عـامٍ وعـامٍ بـأثـر عــام
إنتـي إذا بحـسـاب نفـسـك صغـرتـي
مـا تصغريـن بعيـن مـن حطـك حـزام
الحـب كذبـة / صدقينـي يـا .. اُخـتـي
ولاني بمن يشفق علـى .. عِشـرة أيـام.






لشـٍِِآعرهـآآ/ أشرف الأشعل الشمري ه1.