يومي الرمضآني || فرآشة المكان - الثالث من شهر رمضان المبارك

[شيخ نفسه]

السلام عليكمـ ورحمه الله وبركاته و2ه1:w00t:

أخباركم مع الصيام خفوقيين وخفوقيات و2

الفاطرين يوخرو على جنب ضض ضض





اليوم 3 رمضان ه1 .. ما نمت إلا 8 ونص الصباح وبالغصب قمت من النت وقلت يلا بنام..

كنت ع المسن مع إيثار أقولها مدري كيف تجننت وحجزت يوم وانا بدا النظام البايخ للنوم يومي يصير ممل :sleep:

بس نمت وما جات 12 ونص إلا وانا صاحية:*.. أخويا دق يسألني عن طابعة الكاميرا وكدة وبعدها كملت نوم شوية وقمت خلاص..

أول ما قمت رحت توضيت وصليت وجلست أقرأ قرآن..



أستغفر الله رمضان دي السنة مقصرة مرة بقراءة القرآن.. ومتأخرة كثير عن العادة ان شاء الله بلحق اليوم بالجدول ص4


بعد ما خلصت قمت غيرت ملابسي.. جاي في بالي أحسن نفسيتي وقلت بلبس لوني المفضل ---> تسمع بنظريات علم النفس الحديث ضض



ونزلت تحت.. لقيت ماما نايمة.. واخواتي نايمات... واخويا ع النت وقافل باب غرفته ع نفسه..:33458_11226243391:

دخلت المطبخ لقيت الشغالات يسوو السمبوسة بالمفروم.. قلت لهم سوولي العجينة وإذا خلصتو من دي بجي اسوي السمبوسة بالجبنة :خقق:..



مرة ما كان لي خلق أعجن قد معايا بدايات سخونة ومسوية فيلم كل الوقت مسدوحة تقريبا ضض

أول ليلة برمضان رحت جبت عمرة ونسيت آخذ كمامات.. وجبت لهم القلق ضض انه جاتني انفلونزا الخنازير :33458_11226244133:

المهم حطيت الشوكولاتة ع النار ع اساس بسوي حلى وطلعت.. رحت ارسم ع بلايز لأولاد اخواني..

واعدتهم بها من فترة ولي يومين ارسم لهم..







ادري اني خبصت فيهم لين قلت بس .. بس دا إللي طلع معايا ص4




ما طولت ورجعت نزلت لقيت الشغالة سوت لي العجينة وبدأت بالسمبوسة ضض وبتخلصها .. قلت سوت فيا خير :z10: ..

سألتها اشبك شكلك تعبانة.. قالت ما نامت طوال الليل عمتها توفت الله يرحمها ويغفر لها وهنيالها برمضان و6

المهم شلت الشوكولاتة من ع النار وخلطتها بالكورن فليكس وجيت غرفة الجلوس.. لقيت ماما صحيت وقاعدة تتفرج ع طارق السويدان " علمتني الحياة "

كنت فاتحة لابي بس ما سويت شيء يدي زفرة واتفرج تلفزيون و2



الحلقة كانت مرة حلوة.. جلس يتكلم عن العلم و كيف نطور نفسنا.. " تراه ينعاد دحين ع الرسالة لا يفوتكم "

كيف لازم نتعب حتى نتعلم ونصير مبدعين في عملنا ومتعمقين في علمنا..



ضرب أمثلة حلوة.. وتكلم عن كتاب اجنبي بس شكله حلوو.. زعلني على نفسنا لما قال دا الكتاب صعب لنا..

بس يقروه عامة الشعب في الغرب.. كتاب من الكتب المتداولة..

قال الحد الأدنى للقراءة المفروضة على الشباب هو كتابين بالشهر.. ومو روايات .. لا .. كتب علمية وثقافية ومعرفية.. كتب جادة..

ودا الحد الأدنى ..!

انا تقريبا اقرأ كدة.. بس أغلبها روايات وكلام فاضي

يقول احنا بنتطور في تعليمنا ومناهجنا.. بس مع كدة تطورنا ما يزال فيه فجوة كبيرة بيننا وبين الغرب.. عدد جامعاتنا 400 وشوية.. وعدد الجامعات في امريكا لوحدها 3000 ضض

وتعليمهم لا يقارن بتعليمنا

قال اذا تبغو تنجحو .. اعملو فيما تتقنو.. وإذا تبغو تبدعو.. اعملو فيما تعشقون ه1

قال .. كل ما بديت مبكرا في طلب العلم.. كلما زادت فرصتك للتوسع بالعلم حتى تصيرو موسوعات.. ه1

وكل ما بدأتو متأخرا.. كل ما قلت فرصتكم في التمكن والتعمق..(??)

بعد ما خلص انا كمان خلصت الحلى حقي و2



ورحت المطبخ ماما واختي كانو يبخرو الزمزم.. واختي سوت مكرونة و2



وسواق خالتي جاب لنا تمرة .. شيء بالورد وشيء بالمكسرات..:z10:



بعدين اش سويت اش سويت :33458_11226243391:

انسدحت شوية اقولكم مسخنة ضض ضض

بعدين جا خواطر لأحمد الشقيري ه1ه1ه1 رهيب دا البرنامج ه1ه1

تكلم عن الحفاظ على العادات وعلى الدين واخلاقه مع التطور والتقدم إللي لازم نتطور فيه.. وكيف اليابانيين يحافظو ع عاداتهم..

ضحكوني وهم ينحنو لكل فرد وبني آدمي و2 ليش احنا ما نحافظ على اخلاقنا الاسلامية .. ليش لما واحد يتطور لازم يصير اتيكيت وياي وماعندنا اخلاقنا الاسلامية ؟

ليش صار الأكل باليمين تخلف.. والسلام عليكم تزمت وتدين ماله داعي.. هالوو تشاوو ومدري وش صارت هي التقدم يعني :زعلان:



خلص الشقيري من هنا وجو اخواني من هنا.. مو كلهم اثنين بس ط9 ---> يقالكم حافظين عيلتنا الكريمة :33458_11226244133:

وأخيراً أذن و2و2و2

ودي سفرتنا القميلة ه1ه1











الفول و2



سمبوسة بالجبنة ه1ه1



سمبوسة المفروم ط9





ودا الحلى.. ماما مسوية مهلبية.. وزوجة اخويا جابت كوكيز ه1ه1 والتانية جابت بسبوسة محشية :خقق::خقق:





وطبعا حقي الكورن فليكس بالمارس.. :z10::z10:




طبعاً لازم بعد الفطور طاش ومضاربات اولاد اخواني.. شفت الحلقة وجلست استمع لنقاش اخواني عليها..

الخلاصة انه الدولة تبغى شيء بس اللي ماسكين المناصب ناس متخلفة ضض ضض

وما نبغى ندخل في السياسة ط9ط9



بعدين اتضاربو اولاد اخواني ورحت فصلتهم واخذت منهم اثنين طلعت معاهم فوق يلعبو برواق و2

إلا جاني أخويا الصغير " ثالث طب بس أقول صغير عشان افرق بينه وبين الكبير(??) "

قالي افتحي ماسنجرك ط9.. قلت ما فيا ضض مسوية اضراب عليه ..

قال يلا برسل لك رابط حلوو اقريه و2و2

قلت ارسل بحط اوف لاين.. ودخل يقولي.. أبغى اتزوج ضض وحط لي الرابط :35:

قبل لا أقرأ قلت له .. طيب موافقة روح اتزوج وانا مالي ضض

رحلة البحث عنها

عاد جلست أقرأ وأقرأ وأقرأ ..وأضحك واضحك.. مرة رهيب وممتع.. أقروه من تحت من اول بلوق..مسلي مرة..

وقلت له وانا كمان أبغى اتزوج ضض عندك عريس ؟ ----> ليش البنت ما يصير تخطب لنفسها ؟ ضض

اهوه انا بصير اول واحدة تخطب لنفسها وتقولها لأخوها كمان وبالفم المليان :33458_11226244133: " أبغى اتزوج "

وليت اخويا جاوبني :33458_11226244133::33458_11226244133:

إلا راح قال لأخويا الكبير.. انه اعطاني الرابط وعجبني و" فراشة تبغى تتزوج " :33458_11226244133::33458_11226244133:

وجاني اخويا يستهبل يبغى يقفل لي صفحة النت عشان ما اكمل قراية.. قمت عصبت عليه بلا هبل ولكاعة :@:@

---> مندمجة مرة بالقراية :33458_11226244133:

بس بعد عني قمت قلت له.. اسمع انا و فلان " اخويا الصغير " قررنا قرار مهم و6و6

قام ضحك :35: انا ما أدري انه اخويا الصغير قاله.. وجيت اقوله " قررنا نتزوج "بس حسيتها بايخة :33458_11226244133:

ما يجوز انا اخوان كيف نتزوج بعض :33458_11226244133: وقاعدة أفكر في تعبير تاني إلا هو قالي..

روحي شارع المنصور في كثير تكارين ينفعولك :33458_11226244133::33458_11226244133:

عاد انا ما استوعبت .. بعدين جلست اضحك وجع أجل تكارين ص4ص4

بس وخلصت قراية ونزلت تحت لقيت اخواني خارجين..واختي خارجة وماما طلعت تنام و2و2

وجلست ارسل الصور بلوتوث واضبطها عشان انزل الموضوع و2

وجات اختي التاني فتحت صلاة التروايح بالحرم ع الدعا وجلسنا ندعي وكدة.. وبس وها انا هنا و2

أتجهز أني أرسل الموضوع + مع بداية " قصص القرآن " لعمرو خالد .. لا يفوتكم ه1


" وما تحملت الصور إلا بعد ساعة من دا كله الله يأخذكم يا الاتصالات ع خدماتكم الزفت "

واعذروني الصور زي وجههي بس كلها بالجوال كاميرتي ما بُلغت رمضان واعطتكم عمرها





فراشـــــة