والله لا أقفــي عنــك .. أستغفــر اللــه .

[شيخ نفسه]

،


السلام عليكم ورحمة الله وبركاته .،


قصيده للرآئع .. محمد بن فطيـس ..


عجبتني جداً أتمنى تنآل أعجآبكم ..


.



.



ماهوب كفو الوقت حبك يمحيه ، يالي تخاف صروف الايام تمحاه
ارتاح دام المواصل يقويه ، انت انت وانا انا وقلبي هو وياه
حتى ولو بتغيت ذكراك تكفيه ، ياواحدن تكفي عن الناس ذكراه
حبك على رملة خفوقي مواطيه ، ورياح عذلي عنك ماتمسح خطاه
واللي يعذل القلب عن درب غاليه ، الله مايبلى المواليف يبلاه
اخفيه يبا الفيت والحال يبديه ، ادنات واحد ينظر لـ حالي يقرآه
مخفيه فيه ومعتنمّـبه وحآميه ، عن كل عينِِ ودها تنزل حماه
قلب يحبك والهوآ الذرب ماليه ، كانك مكذبني بـ عينك تحلاه
شرطٍِ تشوفك فيه منتب حواليه ، ويمكن تشوف ديار واماكن رعاه
وتشوفه به تمثال والوقت هاريه ، وبتشوف زرعٍِ ميت واقفٍِ ماه
وبتشوف جرحٍِ فيه سكين راعيه ، راح ونسى السكين والقلب ينخاه
وبتشوف حصنٍِ عجل أقدار سآفيه ، وبتشوف بآقي بيت رآعيه خلاه
لاتنزعج هذا "خفوقي" وبآقيه ، ولاتضآيـق من تصـدّع زواياه
قد زلزله فرقا وهزت عراويه ، والله ستر والحظ عانه وعافاه
وكانه صلح لك وعجبك زيد تبنيه ، ابنه وجهز للمقابيل مبناه
ابغيك بس من المفارق داريـه ، وازهل من يداري شعورك ويدراه
وحلل وحرم فيه يبرك بلاويـه ، وحله ورآع رضاي ورضاك ورضاه
جعلك بعد بعض الوجيه امحق وجيـه ، ناسِ مراتعها الرفيق بـ تقفاه
انواع واخطر نوع مانيب بـ ناسيه ، نوعٍِ على تفريق الأثنين مسعآه
تلقاه دوم وكل يومٍِ تلاقيــه ، ولابغيته صـدق ماعاد تلقــاه
ولا أنت ردك كُل .. مآدعيك " لبيـه " ، انا اشهد انك منتب في عيني اشباه
منتب مع العالم ولا تقولي ليـه ، انت أدرى مني وش جوابي و"فحـواه"
كذيه ومن الله يازين وليــه ، وأغلى "طروش" القلب ودواه من داه
الحلم يآتيني بـ "زولك" وأرآعيه ، وفي كل حلم أقوم قبل " أتحفـاه "
وأعشق " سميك " في البزارين وأدعيه ، وأقبل خطاه إلى أخطا وأتلقاه
اسمك "يروعني" إذا مر طاريــه ، وأحب ملقوفٍِ يسولف وطرّآه
مامر بيتك من بعيدٍِ ولا أجيــه ، وأنا لو انه بيدي ماتعــدآه
حتى تواير موتري تلتفت فيه ، تبغي تلف ويستحل العقل والجاه
وصلك يخيط الصدر والبعد يفريه ، يابري حالي كان صديت برياه
ويلي على أدري " حبنا " ويش تاليه ، ويلي على أدري وش ورا الغيب ويلاه
عشان اشوف اذا محبتك ترفيه ، والله لا أقفي عنـك أستغفر الله .