**
ألا انت سولف لي عن احوالك وخل عنك القصيد
يعني وش اللي في غيابـك راح اقولـه واكتبـه ؟!
شعري.. على حطة يدك في غيبتك ما من جديـد
البيت من قبـل اكتبـه .. افكـر انـي اشطبـه
دامـك تعـرف ان الشعـر لا يقنعـك ولا يفيـد
استوعب حضوري ! وهو انسـآآه لا تستوعبـه
ركـز معـي .. الله يرضالـي عليـك ولا تزيـد
الهم هـم .. وعدّنـي ضيـف ٍ نويـت توّجبـه
ما ابيك من بعد الجفا ترجـع لـي بقلـب ٍ بليـد
حسسني بشوقك ! ودمعك مـن عيونـك اسكبـه
ضيّعني بشهقة بكاك .. وجيب فيني ألـف عيـد
بحكيّـك اللـي حافظـه ولا عـرفـت ترتـبـه
هي كلهـا هالساعتيـن وعقبهـا ببقـى وحيـد
لا تشح بشعورك علي ّ ولا اتمادى !! وانتبـه :
لا شفتني سجيت ( عنك / فيك ) جوّدني من ( إيد
قلبـي ) ووصلنـي لقلبـك برضـاه او اغصبـه
هذه سنه ! ان ما سكنت القلب مسكنـك الوريـد
ونفس السنه مرت ! وحقي فيك ضايـع واطلبـه
يـا آدمـي مـدام نظراتـك باحاسيسـي تشييـد
لا تترك ( اسألتي ) تموت ولا لقت بك ( أجوبه )
ليه انت راضي بالعناد ؟ وبالرضى تصبح عنيـد
ليه اتساهل بالجفـا ؟ ليـه الوصـل تستصعبـه
وليه اتمنى الموت في بعدك واحـس انـه بعيـد
وليه اشعر ان الموت في لحظة وصولك ما اقربه
وليه اعتبر نفسي إذا ذبحني شوقي لـك شهيـد
ولا انت حتى الشـوق لا ردك علـيّ تستغربـه
جاوب وريحني أو انسى كـل شـي .. ولا تعيـد
سؤالك عن شعر ٍ شطبتـه مـن قبـل لا أكتبـه
ممآ رآق لي
للمبدع \\ محمد الجآر الله السهلي
ه1 :rose:
09-08-2009, 10:40 PM
كلهآ ســــآعتين !!
العرض العادي
