آه يـ العشرين !

[شيخ نفسه]

للروح تراتيلٌ لا تُسمع ..!!
لكننا نستطيع إدراكها من خلال الشعر ..!!

الشعور الي سكن بأقصاي غاب ..
و إنت ماودك بعد مثله تغيب ..

إجمع آهاتك وقفل هالكتاب ..
مابقى للروح ياجرحي طبيب ..

بعثر اسئلتك و لملمني جواب ..
و أبعد أوجاعك عن الصدر الرحيب ..

هو بقى بالحكي مايسوى العتاب ..؟!
هو بقى بالعين مايسوى النحيب ..؟!

كل جرحٍ مرني قبلك [ سراب ] ..
إلا إنته واقع و مر وعصيب ..!!

كل جرحٍ مرني عدى و طاب ..
إلا أنته حالف إنك ماتطيب ..!!

لو ترد العمر لأيام الشباب ..!!
من يرد الروح خضراء ماتشيب ..؟!

آه يالعشرين مع صغر الحساب ..
لو أحسب همومها مامن حسيب ..!!

و آه يا جرحٍ له بقلبي نصاب ..
ياتغيبني [ أنـــا ] و لا تغيب ..!!




نوره المزروع