روائــع فــهــد الــزعــبــي ,,

[شيخ نفسه]

مـــســاكـــم / صــبــحــكــم .. الله بالــخــيــرات والــمــســرات..

{ مدخل:

.
.

اللي كسر صدر الغلا واجتاحه
ادما معاليقي وهد صروحي
اقفى وهو نفسيته مرتاحه
وانا معاه أزريت اعد اجروحي

" فهد الزعبي"

شاعرٌ تقطفُ من الجمالِ أجّلّه وأروعه ,,,,
معانيه تخرج من عمق بعيد جدا....!
اتمنى أن تستمعوا بـــ أديباً يمنحنا أبجديةٍ

X ... مقتطفاات ... X


سامح الله وقفتي للناس والدنيا وزماني
.........ليتني كملت ما وقفت يوم الدرب سيده
سامح الله واحد من ضيقتي صد وجفاني
........ذاك وش عذره من المطعون لا وقف وريده
وسامح الله دنيتي يوم أبعدتني عن مكاني
........وما إتركت لي غير صورة شاعر بوسط الجريدة
وسامح الله الزمان اللي خذا الناس ونساني
........وإن ذكرني ما خذا الا عصبة الراس وعضيدة
وياضميري وإن بغيت الجد ما جاني كفاني
........كل يوم أدفن من أرواح الفكر روح ٍ شهيدة
.
.


الضيـق لوهـو مـن مفـارق وليفـك ,,
ينسـى مـع الأيـام لـو كـان غابنـك ,,
واللي يدوم .. بنظرتـي/ وأنـت كيفـك ,,
ضيق أمك إن ضاقـت عليـك يتمكنـك
تدري متـى التوفيـق يصبـح حليفـك ,,
لانامـت أمـك ليلهـا راضيـة عـنـك ,,

.
.

السهر ,والحزن ,وهجوس الشعر ,وطروقه = أربعٍ لامن سلا الخاطـر تثيـر أعصابـي
ليت فكري قبل هوجاسـه تمـوت عروقـه = كان ما أدميت النواجد من عضيض النابـي
أتدارك بعض وقـت البسمـة المسروقـه = بسمـةٍ مـا كنّهـا إلا بسمـة المرتابـي
ماتقـول إلا العيـون لدمعهـا مخلـوقـة = لا اتعبتني وقفة دموعـي ورى الأهدابـي
والله إن سـدي بعيـد وقافـل ٍ صندوقـه = مانشدت الحـظ وش ودّى ولا وش جابـي
يارفيـق الليـل هـذي نشـدةٍ مسبـوقـه = الخسايـر لـو بعددهـا يضيـع حسابـي
دام شيال المحامل ما شكـى مـن عوقـه = أسألـك بالله وأمانـه لا تـفـك البـابـي
غلطتي وأنا اتحمـل لـو تجـي مطبوقـه = ماعرفت أميز السلبي - مـن- الإيجابـي
كنت أحسب إن كل نوّ يلوح نوض بروقـه = محريٍ بالخيـر وأخيلـه وأحـث ركابـي
وكنت أحسب إن كل ضحكة فالوجه موثوقه = وكنت أحسب إن كل من مد اليمين يسابـي
مادريت إن مالجرحي مـن يخيـط فتوقـه = يوم ساق الليـل غاراتـه ونجمـه غابـي
وماهقيت الصاحب يخون العهـد ويبوقـه = لين شفت إعداي تلبس لي ثياب أصحابـي
أنخدعت بمن مطيحـي بالطريـق يروقـه = عقب ضاقن الحيـل وإنقطعـت الأسبابـي
اكبر إمن الداب نيبانـه ووسـع شدوقـه = إيتعشـى مـن لحمـك ولا لقـاك يحابـي
الحياةأيـام وأقـدار البـشـر مسيـوقـه = وأنت بترافـق مـن الاقـراب والأجنابـي
وشوف من حقه يضيع / ومن يحفْظْ حقوقه = وإن عطاك الله عمـر ياصـاح لاترتابـي
الوحيد اللي بعين النـاس يمشـي سوقـه = واحدٍ تحسـن بـه النيـة وهـو كذابـي

.
.

الصمت ستر الهم والدمـع فضـاح ..
لاواهني من مـن بكـاه إستراحـي ..
والدمع طير وضيقة الصدر ملـواح ..
تدعيه ويجيهـا خفـوق الجناحـي ..
من وين أجي وأروح ودروبي شحاح ..
أشقيت رجلي فالمجـي والمراحـي
الحظ أعرفه لاوقـف ساعـةٍ طـاح ..
خابره ماهو مـن طيـور الفلاحـي..

.
.

أودعك ليل الشتا كيفك تبي تسهر ... تنـام؟؟
,,,,أنا إعتبرتك عون نفسي وأنـت منـت بعونهـا
أكذب عليك إن قلت لك حالي على أحسن ما يرام
,,,,روّح ولا تنشـد علـى حالـي ولا وشلونـهـا
هـذي سنـة والكـل منـا لاسـلام ولا كـلام
,,,,يا عظمها لو إنهـا فـي خاطـرك يـا هونهـا
خيرك كثير ولا على نفسـي ولا نفسـك مـلام
,,,,عـزالله إن هـذي هـي الدنيـا وذا قانونهـا

.
.

مخرج }

يطول الكلام وينتهـي والشعـر لازال
لسان المشاعر لو بعضهـا حديديـة
تقول العرب وأقول بإنه حكم وأمثـال
يلامس معانـاة الشعـوب بشفافيـة
وحنا نعيش بعصر فيه الشعر ينقـال
لوجهة نظر وحدة ولأهداف شخصيـة

لأرواحكم النـقـيـة aint:

دمـــتـــم كــمــا تــحــبــون..