كيف تسحر الزوجه زوجها ؟ هنا الحل ! الرجاء من الرجال عدم الاقتراب

[»» الـعـزٍ ««]

السلام عليكم ورحمة الله وبركاته


السحر هو أمر يستحوذ على الحواس فيقودها في اتجاه آخر ..

لكل من تود أن تسحر زوجها سحر لا يمكن فكه ولا حله ..

هذه طريقة فعالة ..

جربوها ولن تندمــوا ..

1) زوجك ليس ندا لك ..

زوجك رجل ..

له كرامة وكيان وشخصية تمتلئ بالشموخ والكرامة وعزة النفس ..

فلا تكوني ندا له ..... وين المشكلة؟؟!!


2) بيتك جنة .. وأطفالك هم عصافير الجنة ..

فلا تجعليهم غربان تحوم حول الزوج حين يحتاج للهدوء ..

الانسحاب أحيانا مفيد جدا ,, وين المشكلة؟؟!!


3) خليه يفتح موضوع جدي معاك ..

اتركيه يناقش حتى النهاية ..

اذا قرب يخلص فاجإيه بالعبارة التالية : بس في نقطة مهمة نسيتها ..

راح ينتبهلك ..

وأكيد راح يسأل : وش هي ؟؟!! ,, قولي: إنا أموت فيك .. وين المشكلة؟؟!!


4) كل الأمور تحلينها انتي؟؟!! برررررااااااااافو ..

كفو والله وعساك عالقوة ..

بس مو ضروري
تعيرينه..

دعي له مساحة يتحرك فيها ..

شاركيه بالقرارات ...

ارجعي له دائما ..

حتى في الأمور المحسومة سلفا ..

خليه يحس ان له دور مهم مو سبير طايح .. وين المشكلة؟؟!!


5- دائما دعيه يشعر انه القوة الكاملة في البيت ..

دعيه يشعر انك ضعيفة لكن مو بشخصيتك ..

بل بجسمك ,, الجأي له مثل الأطفال ..

حتى لو اصبعك انجرح ... عطيه بلاستر وخليه يلف اصبعك .. وين المشكلة؟؟!!


6- خليه دايما يحس انك بحاجته ..

وان عداداتك وبوصلاتك ما تشتغل الا بوجوده .. وين المشكلة؟؟!!




7- أشعريه ان شخصيته هي الأقوى..

حتى لو كنتي كونداليزا رايس .. وين المشكلة؟؟!!


8- العطور الســحر كلــه ..

اجعلي بيتك مريحا للأعصاب ودايما استبدلي عبق البصل والثوم اللي تحوووووووووس في البيت ..

برائحة معطر الجو إير ويك برائحة الورد << دعايه مدفوعة الثمن خخخخخ

حواس الأنف مفتاح الدماغ ..

راقبي وجهك اذا
مريتي عند زبالة صارلها سنة مقطوطة ..

حتى لو كنتي في قمة سعادتك بتنقلب مزاجاتك ..

شلون يقدر يعصب والدنيا ربيع والجو بديع ..

وقفلي على كل المواضيع .. وين المشكلة ؟؟!!



9- يقولون الرجل طفل كبيـر ..

انا اقول الرجل جنين وليس طفل ..

الطفل ممكن ينزف ... ينطق ..

بس الجنين محمي بحنان رباني و بعالم هادئ بتدليل أمومي ..

الرجل مهما لقى من صفات رائعة في زوجته ..

دائما يبحث عن حنان أمه فيها ..

والحنان يلين الصخر .. وين المشكلة؟؟!!



10- كوني له أمة يكن لك عبدا .. نعــم لاتسـتغربيــن !!!

صيري صديقته وقت الضيق ..

أخته وقت الفزعة و أمة وقت الدمعة ..

حبيبته لما كل الدنيا تخليه وزوجته لما يضيع ..

و بنته لما يحتاج يحس بالألفة ..

كوني له كل نساء الأرض .. وين المشكلة؟؟!!


11- علمي أولادك ان يقبلوا رأسه كلما رأوه ...

لا تقولين الزمن تغير وماعاد أحد يبوس راس أحد
...

كل شي ممكن يتطور ..

بس يبقى احترام الأب هو الجهل الوحيد اللي لازم تزرعينه بقلوب اولادك ..

وباستماته .. وين المشكلة؟؟!!


12- نسى هدية العيد لولده أو بنته ..

::×:: عادي ::×::

اشتري هدية وحطي عليها أسمه وجهزيها له ..

أو اذا انشغل قدميها باسمه فنتيجة انتماء الطفل لأبويه انتو الاثنين راح تحصدونها ..

مو بس هو ..

بس لا تنسين ترسلي له مسج تعلمينه بالهدية ..

لا يصير مثل الأطرش بالزفة .. وين المشكلة؟؟!!


13- أحــــذري من عبارةأبوك لاهي عنك ..

شدعوة داري عنك و ليش وينه أبوكم ,, أبوك مو فاضيلك ..

الطفل ما ينسى قومي انتي بالمهمة ..

أو على الأقل لاقي عذر مناسب يكبر الأب بعين عياله ..

مو يكرهونه .. وين المشكلة ؟؟!!


14- تتضايقين من نظراته لمذيعات القنوات اللبنانية وهيفاء وهبي؟؟!!

قـــــهــــــر موووو ؟؟!! غلــطـــــــان ..

اسألي نفسك سؤال واحد هي مرأة وانتي مو
مرأة؟؟!!

ليش تخليــنه يطالع برا وأنتي موجــوده ؟؟!!

أيش ناقصك ؟؟!!

ليش ما تصيرين انتي لبنانية بنكهة الدرابيل والهيل ..

يعني خليجية النكهة ..

أيش محتــاج المــوضــوع أممممممممم ..

قصة شعر؟؟!!

ريجيم ؟؟!!

صبغة حلوة ؟؟!!

ابتسامة جميله ؟؟!!

تدليع؟؟!!

وين المشكلة؟؟!!



15- دلعيه ثم دلعيه ثم دلعيه ..

حبيبي ,, قلبي ,, حياتي ,, مافي منك ,, مشكور عساك عالقوة ..

صباح الحب ,, مساء الورد ,, تصبح على حب ,, عيوني لك ,, انت تامر ..

ومن هالكلام.. وراح تشوفين كيف راح تضيع علومـه ..

اعتبريه موضوع تعبير لازم تكتبينه في المدرسة ويتوقف عليه تخرجك ... وين المشكلة؟؟!!




16- يووووووووووووووووه

ليش ما جبت الطماط ...... انا لله ... انا كل ما أوصيك على شي تنساه !!!!!!

والله لو رايحة انا أبرك !!!!!

ليش ليش سواق هو؟؟!!



شوي شوي ..

صحيح مهمته
وشغلته وواجب عليه ندري ..

بس كان ممكن لما تكتشفين النقص تقولين الآتي مع ابتسامة ناااعمة ..

عادي حبيبي ولا يهمك يعطيك العافية يا قلبي ..

روح انت الحين وانا أسويلك كوكتيل عالسريع ..

حرااااام يتعب وماتدلعينه!!!! ما يصير ..

حتى لو أكلتك كلها تعتمد على الطماط وخير يا طير ,, تتدبر..

لو تفكرين شوي راح تعرفين انها تتدبر .. وين المشكلة؟؟!!



17- لا تنتقدينه أبدا ..

حتى لو كان من راسه لساسه عيوب ..

حتى لو كان صباااااااااااار كله شوك ..

الصبار ترى داخله مويه وعلشان توصلين للمويه لازم تشيلين الشوك وجربي شيليه بسرعة ومرة واحدة ..

ما تجنين الا الألم ..

بالحب والحنية والصبر كل شي يصير ..

حتى لو طولتي تشيلين الشوك ..

راح يجي وقت تلاقينه هو يشيل معاك .. من كيفه .. وين المشكلة؟؟!!



18- إياكي وإياكي أن تظهري عيبه أمام الآخرين الرجل ما ينسى ..

والشعور بالإحراج يخليه يدفن بقلبه ضيق عليك
ما يروح بسهولة وخليك ستر وغطا على عيوبه ..

حتى لو تافهة وعادية .. وين المشكلة؟؟!!






19- خلي ايدك بإيده ..

خليه يحس انك مستانسة لوجوده جنبك ..

مو تنتظرين الساعة اللي يروح فيها برا ... وين المشكلة؟؟!!



20- طلعي الشغاله برا أظن الدوام الجزئي كافي ..

هذي مملكتك لا تتنازلين عنها ...

وين المشكلة ؟؟!!

الواحدة منكم اذا حبت شغلها تكرف فيه بدون حساب ..

وبابتسامة .... مو بيتك أدوم لك؟؟!! وين المشكلة؟؟!!



21- عطيه حريته وخليه يسافر لحاله اذا يبي ..

خليه يطلع اي مكان يحبه مع اصحابه..

خليه يتنفس ..

وراح يرجع لك مشتاق وممنون ... وين المشكلة ؟؟!!




22- تعلمي الابداع بالطبخ ..

نوعي بأكلاتك ..

حسسيه ان ذوقه مهم عندك... وين المشكلة؟؟!!



23- جددي بنفسك وخليك أنيقه وكشخة .. وين المشكلة؟؟!!



24- تذكريه برسالة على الجوال مو لا
تنسى العيال ولا مر الجمعية ..

قوليله كلمة واحدة بس ..

اشتقتلك .. وين المشكلة؟؟!!



25- لا تخالفينه قدام عيالك خلي رايك من رايه وعيالك لازم يفهمون هالشي ..انك معاه مو ضده..

ولا تعاندين ..

لو شلتي ايدك من ثقب السفينه عناد ..

راح تغرق السفيـنـه فيكم كلكم .. وهنا المشكلة !!!!


انشاء الله ما طولت عليكم


واتمنى للجميع التوفيق والذريه الصالحه يارب







أخوكم .. ابو أماني

 

 

[أخت القمر]

الله على النصائح
والله كلها بمكانها وكلها رووووعه
هريتيك تسلم يامبدع

هريتيك أنا أشك انك متزوج

 

 

[ЌĥâĻēĐ]

اول شي تسسسسسسسسسلم يمينك يا طويل العمر روشان

بس شوف انا اقول ان كل هذا ما يصير الا اذا توفر شي اساسي ومهم جداااااااااااااااااااااااااااا الا وهو ( الحــــــــــــب )

هذا الشي لازم ولابد يكووون شوف وانا اخوك لابد لابد لابد لابد مليون بالميه كل بيت في مشاكل بس المفروض تنحل بسرعه

< وش الدافع اللي يخليها تنحل ( الـــــحـــــب )

على العموووووووووووووووم يسسسسسسسسسلمو على هيك موضووع رائع والله يعطيك العاااااااااافيه وتقبل مرووووري اخوووووووووووووك : ЌĥâĻēĐ

 

 

[السنيوره امونه]

االلاااااااااه عليك يااهريتيك


يااسسلاااام عليك......

وانششالله احططه تااج عالراااس بسس يحطني ششعره في حاجبه ^_^


وترااني احسسسك متحيز للرجاال ....... ياخي هاات موضووع قول للرجال يتظبطون ... وعلمهم الرومنسسيه

<<<---------- منقهره منكم عندكم الرومنسسيه 0% هههههههههههه


وربي يسسسسسسسلمك مليووون االف طعشش طعششااات

وتقبل تفحيطاااتي

^_^

 

 

[الدايفنك]

هريتيك مشكور على الكلام الحلو واللي في مكانه
خالد عندي وجهة نظر انشاءالله تقبلها اللي وهي
الحب المفرط يعني الحب الزايد بين الزوجين دائماً يكون سلبيات كثيره في حياة الزوجين (والشي اذا زاد عن حده انقلب ضده) وعشان كذا وانا اخوك يكون هناك في غيره زايده من الطرفين وهاذي المسأله دائماً يكون لها مشاكل وخيمه لا تحمل عقباه

 

 

[ليتني .. حبيبتك]

3) خليه يفتح موضوع جدي معاك ..

اتركيه يناقش حتى النهاية ..

اذا قرب يخلص فاجإيه بالعبارة التالية : بس في نقطة مهمة نسيتها ..

راح ينتبهلك ..

وأكيد راح يسأل : وش هي ؟؟!! ,, قولي: إنا أموت فيك .. وين المشكلة؟؟!!


خطييييييييييييييره


مشكووووووووووووره هرتيك على الموضوع

تقبل مروري واحترامي

 

 

[»» الـعـزٍ ««]

أخت القمر .. نورتي الصفحه يالغاليه
والله يسمع منك

خلودي يالغالي تسلم لمرورك
شوف يالغالي كلامك فيه من ملامسة الواقع
لكن أنت تقول الكلام هذا مايصير الا بالحب
اساس الموضوع أنو النقاط اللي أنا ذكرتها بالبدايه
هي أساس الحب ,,
بمعنى أنو الزوج والزوجه لو كانو عايشين بحب ؟
بعد ماتطبق الزوجه النقاط هذي راح تزيد حياتهم عسل وحلاوه
وأذا ماكان الحب موجود أو شبه منعدم
فأنو بعد ماتطبق الزوجه هذي النقاط
راح تختلق حب جديد يسكن بيتها نابع من قلب رب البيت
وتحياتي لك يالغالي

السنيوره شاكر لك مرورك

الدايفنك نورت الصفحه وكلامك عين العقل

ليتني . شاكر لك مرورك الشذي

 

 

[الملاك الوردي]

يسلمو على الموضوع الخطير
تقبل مروري
يسلمووووووووووووو

 

 

[ماجدونا]

الله يعطيك العافيه اخوي على النصائح

ياريت الزوجات يطبقن هالطريقه

 

 

[»» الـعـزٍ ««]

مغروره نورتي الصفحه ياغلاهم

ميرو الدنيا لسا بخير وفيه زوجات يطبقون هالكلام وأكثر
شاكر لك مرورك يالغالي